Hin diblomatkarên rojavastanî pêşbîniya wê yekê kirin ku dibe encûmena asayîşa navdewletî li heftiya bê dengdanekê bike li ser pirojebiryarekê ji bo sepandina sizayan li ser rijêma Bişar bi sedema bikaranîna çekên kêmyayî li dijî sivîlan, hevdem pêşbînî kirin ku dibe Rûsiya wekî hercar “fîto” bikar bîne, ji bo parastina hevalbenda xwe ji sizayên navdewletî.
Û Diblomatkarekî encûmena asayîşê got ku niha bi rengek sêqolî Firinsa û Birêtaniya û Waşinton kar dikin, ji bo sepandina sizayan li ser Rijêmê piştî ragihandina rêveberiya serokê Amerîka Tiramp ji alîgiriya xwe re ji destpêşxeriya sepandina sizayan re, ku wê dengdan di heftiya bê û di zûtirîn dem de li roja duşemê yan sêşemê bête pêkanîn, û berpirsekî Amerîka bo ajansên ragihandinê ragihand “em bi hêvî ne ku dengdan di zûtirîn dem de bête kirin”.
Diblomatkarekî din got ku “ev karvedan serekî ye û pêwîst e encûmena asayîşê bike, eger bikaranîna çekên kêmyayî ji aliyê Rijêmê li Sûriyê tekez bibe”, û got ku her yek ji “Amerîka û Birêtaniya û Firinsa gelekî zelal in, û ev yek piransîbeke li rex wan “.
Û di tekesta pirojebiryarê de hatiye, ku wê sizakirin bi qedexekirina çûnûhatinê be û bilokirina darayî dijî 11kesayetiyên Sûriyê, ku piraniya wan berpirsên leşkerî yên Rijêmê ne, tevlî serokê hawalgeriya esmanî û farmandarê oparesyonên esmanî yê li navçeyên êrîş li wan hatine pêkanîn.
Û Firinsa û Birêtaniya û Waşinton hewla nehêlana firotina hilîkopteran ji bo Rijêmê didin, herwiha ku ev rêşûn hat standin yekser piştî derketina encama lêkolîna hevbeş ya di navbera NY û rêxistina qedexekirina çekên kêmyayî de, li ser pêkanîna êrîşên kêmyayî ji aliyê hêzên Rijêmê li dijê sê gundan di navbera herdu salên 2014 û 2015 an de.
Her di derbarê vê yekê de, rêveberiya cêbecêkar ya rêxistina “Human Rights Watch” beşa rojhilata navîn û bakurê afrîka, Sara Liya Wîtson gotibû ku rêxistinê hin belge belav kiribûn û têde bikaranîna çekên kêmyayî li Xûta hatibû piştrastkirin, herwiha rêxistinê hin belge belav kiribûn ku têde berpirsyaretiya Rijêmê di ber pêkanîna wan êrîşan de hatibû dupat kirin û ew êrîş bûne sedema ketina bi sedên qurbaniyên sivîl”.
Û di raporta “Human Rights Watch” de hatibû ku bombeyên kilorê li ser navçeyên niştiyan di heşt helkeftên ciyawaz de hatine avêtin, bi awayekî ku têde diyar dibe ku ev êrîş bi awayekî rêkupêk û bi pilan hatine encamdan, bi awayê ku bigunce ligel armanca hêzên Rijêmê ya bi armanca kuştin û koçberkirina sivîlan.
Jêder: Ofîsa Ragihandina Hevbendiya Niştimanî / Wekalat