Wezîrê karê derve yê Qeterî Xalid Eletiye got ” Sedema pirsgirêkê li Sûryayê rejîma Esed e, û bi taybet Beşarê Esed “. û berdewam kir:” Çi destpêşxeriyên ku ne li ser bingeha Lihevkirina Cinêv1 bin, ku milletê Sûrî û Desteya Fermandariya Veguhêz bi hemû desthilatiyê xwe, bê ku rola Esed tê de hebe qebûl dike biser nakeve”.
Eletiye di hevdîtinekê de bi rojnameya Elheyat re destnîşan kir ku çiqas destpêşxwerî werin pêşkêşkirin, milletê Sûrî ji hêla xwe ve gotina xwe gotiye, di destnîşankirinekê li ser destpêşxeriya Rûsî ku serokê Rûsî Filadimîr Botin di civîna dawî ya Komeleya Giştî bo Netewên Yekbûyî pêşkêş kiribû, û diyar kir ku helwesta Rûsî ne nû ye, û derbarê Sûryayê nehatiye guhertin.
Eletiye bal kişand ku milletê Sûrî ji berî çar slan ve li ser çar eniyan dijî rejîma Esed û hevalbendên wî, û kesên ku derbas bûne ta piştgiriya rejîmê û tiroristan bikin şer dike, ev girûp biser neketiye û tu tişt di helwestan de nehtiye guhertin.
Eletiye tekez kir ku eger Civaka Navdewletî bixwaze Sûryayê bi kar ne bi gotina biparêze, çi bi Cinêv1 yan bi destpêşxeriyeke dî, divê ku nerînin hebin ev dewlet ji ser neyên xwar, ew jî xwestekên milletê Sûrî ne, ji ber encama ketina bermîlê bi ser serê jin, zarok, yan kalemêrekî de, heman encama serjêkirina seriyan ji hêla yê terorist e, di dawiyê de em milletê Sûrî li pêş du çareyan dihêlin ya xweş ji wan tal e, yan tirora rejîma Esed, û yan tirora Daiş.
Herweha Eletiye destnîşan kir ku şoreşgeran çek bikar neanîn, jibilî piştî ku rejîma Esed di destpêka tevgerên gelêrî de bikar anî, û ev yek ji her kesî re diyar e, ji bilî kesên ku çavên wan kêm bin. Eletiye wisa jî got: ” Şoreşgeran berevanî di ber xwe, malê xwe, û namûsa xwe de kirin, herweha di ber hewldana guhertina dimuxrafî di riwê tewşebûna ku Esed û milişiyên ew derbas kirin pê rabûn “.
Herweha Eletiye tekez kir, kesê herî şerê Daiş li Sûryayê kir şoreşvan bûn, rejîmê yek fîşek berneda Daiş, belê genim û neftê jê dikire, bazirganiyê bi hev re dikin, û riya wî jê re hêsan dike.
Hevbendiya Niştimanî Sûrî û ketîbeyên leşkerî di helwesteke hevbeş de neqebûlkirina Beşarê Esed di qonxa veguhêz yan paşeroja Sûryayê de, herweha neqebûlkirina hemû hewldanên hiştina wî tekez kiribû.
tekezî li ser ku hebûna Rûsî li ser erda Sûrî bo parastina Esed ji rûxandinê ne di xizmeta çareya siyasî de ye, Rûsya di tu deman de qet ne navgîn bû, lêbelê hevparê rejîmê bû, û ev hebûna leşkerî wê rewşa Sûrî tevlîhev bike, êşê mezintir bike, kuştin û wêraniyê bêtir bike.
Jêder: Hevbendî
