Emîndarê giştî yê Encûmena Îslamî ya Erebî berêz Mihemed Elî Elhuseynî di hevdîtinekê de li Stembolê ligel serokê Hevbendiya Niştimanî ya Sûrî Riyad Sêf, hewlên Hizibulah yên “pîs û xirab ji bo raguhestina penaberên Sûrî ji Libnanê û şandina wan bo mirinê li ser destê hêzên Esed yê tawankar” şermezar kir.
Elhuseynî cext kir ku “hebûna destê Hizibulah di kuştina gelê Sûriyê ne helwesta Şî’eyan nejî ya hikûmeta Libnanê ye, û ew bi tenê xizmeta acindeyên Îranê û pirojeyê wê yê dagîrkerî yê Farisî dike”.
Herwiha îro rojnameya Riyad ya Si’ûdî li ser zarê Elhuseynî got ku ” baredoxên zehmet yên gelê Sûriyê û şoreşa wî têre derbas dibe, wê nebe rêgir li pêşiya gelê Sûriyê û berdewamiya xebata wî ya niştimanî ji bo dabînkirina armancên xwe yên rewa û bidestxistina azdî û rûmet û demokrasiyê”, û bal kişand ku çareseriya hêjayî jiyanê li Sûriyê bi tenê bi misogerkirina pêkanîna qonaxeke nû dibe, ku deshilata Sûriyê têde di destê Hevbendiya Niştimanî ya hêzên şoreşê be.
Elhuseynî tekez kir ku Encûmen bi rêka pêwendiyên xwe yên herêmî û navdewletî hewl daye û dide ji bo piştevaniya serweriya şoreşa Sûriyê û dûrxistina Sûriyê ji hewlên navdewletîkirina kirîza wê, û dît ku rijêma Esed ya ji çend salan ve rûxayî ye, hewl dide xwe li ser nakokiyên navdewletî û herêmî sax bike, ku ev yek dupat dike ku wê rewayî ji dest daye û cihê wê li Sûriya paşerojê nîne.
Elhuseynî got ku şerê dawiyê yê hizibulah yê li Ersalê dike, ne şerê herdû gelên Sûriya û Libnanê ye, tenê ew hevrikiyek herêmî ye di navbera girûpên terorîst de, û hîç pêwendiya şoreşa Sûriyê bi wê yekê nîne.
Emîndarê giştî yê Encûmena Îslamî ya Erebî diyar kir ku xelkê Libnanê red dikin danpêdanê bi desthilata rijêmek tawankar bikin, û ew li kêleka birayên xwe yên penaber radiwestin di şerê parastina jiyan û rûmetê de.
Jêder: Ofîsa Ragihandina Hevbendiya Niştimanî
