Wezareta derve ya Elmanya pabendiya xwe bi Peymana Deblen tekez dike, ya ko dibêje gerek Penaber navê xwe li dewleta Yekîtiya Ewropî ko derbas dibinê tomar bikin û daxwaza penaberiyê li wir bikin.
Her wiha tekez kir ko desthiltdariya Elmanyayê piştgiriya Penaberên Sûriyê dike û “Peymana Deblen ew yasaya li Yekîtiya Ewropî dimeşe ya ko dibêje gerek Penaber navê xwe li dewleta Yekîtiya Ewropî ya ko derbas dibinê tomar bikin û daxwaza penaberiyê li wir bikin, û Elmanya sûre li ser ko evan pabendiyan biparêze.”
Daxuyaniya Wezareta derve diyar kir ko biryara Nivîsgeha Yekîtiyê ya Koçberiyê û Penaberan nuha û ji bo gavine piraktîkî û di rewşeke rewiştî de ji mafê Penaber e dewleta ko dixwaze derbas bibê bibijêre.
Û yekîtiya Ewropa nema penaberên Sûrî vegerînin dewletên ko tê re derbas bûne, û ev jî tekez dike ew nerîna mirovî ko Elmanya li ewan Penaberan dinere û bi taybetî yên ko ziyan gihaye wan, amanc ji biryarê lezkirin û hêsankirina karûbarê Penaberan e, da bi aramiyê hest bibin û derfeta tevlêbûna civaka nû pir bibe. Ji bil wisa jî gerek Sûrî xwe li dewletên ko tê re derbas dibin yekîtiya Oropayê tomar bikin.
Ev guherîn rê dide ber penaber û pabendî pê ne ferz e. Nivîsgeha Yekîtiyê ya Koçberî û Penaberan sala par bi hûrbînî li sedemên mirovî nerî ko dihêle Elmanya mafê Penaberiyê bide. Û li gora wê jî heta dawiya temûzê, tenê 131 Sûrî yên ko ji dewletên Yekîtiya Ewropî derbasî xaka wê bûne li gora Peymana Deblen hatin vegerandin.
Lê belê hêsankirina karûbarên Penaberiyê nayê ewê wateyê ko kar bi Peymana Deblen hate rawestandin, ji ber vê jî gerek Penaber navê xwe li dewletên ko tê re derbasî Yekîtiya Ewropî dibin tomar bikin.
Jêder: Hevbendî
