Serokwezîrê Tirkî Ehmed Dawûd Oxlo tekez kir ku êrîşên Rûsî li Sûryayê ne dijî Daiş bûn, hêzên Rûsî ên azmanî nêzî 57 êrîşan pêk anîn, 55 ji wan dijî ketîbeyên şoreşa netundrew bûn, û tenê dudo ji wan dijî Daiş bûn, li gor zanyariyên leşkerî ku ji me re hatin.
Herweha duh çarşembê Waşington ragihand ku bêtir ji 90% ji êrîşên azmanî ên hêzên Rûsî duh hêzên şoreşê ên netundrew armanc kirin, ne rêxistina Daiş a terorist.
Berdevkê Wezareta Karê Derve a Emirikî ” Con Kîrbî” duh got êrîşên Rûsî ” Bi awayekî berfireh dijî girupên Hevrikiyê bûn, hevrikiya ku hewla pêkanîna pêşerojeke baştir ji Sûryayê re dide, û naxwaze rejîma Beşarê Esed di desthilatiyê de bibîne”.
Destnîşan kir ku tiştê Rûs li Sûryayê dikin” Jê re nayê gotin istratîjî, ew bi giştî karvedan e, ji ber zexta ku li Esed dibe”, û berdewam kir: tişta ku Rûs dikin” Tektîkek têkçyî ye, da ku Esed li ser desthilatê bimîne”.
Serokê Hevbendiya Niştimanî Sûrî Xalid Xoce diyar kir ku gotinên Rûsya derbarê şerê Daiş ji cîhanê tevî re diyar in, û hewldanek bo dirêjkirina temenê rejîmeke nerewa ye, ku hemû cureyên tawanan dijî milletê Sûrî dike, û bal kişand ku rejîma Esed tenê 14% ji erdê Sûrî control dike, û weke ku dagîrkerên Iranî û milişyên regezperest rijêm neparastin, dagîrkerê Rûsî jî fêdê lê nake, û wê çarenûsa wan têkçûn û binketin be.
Jêder: Hevbendî – Ajans
