Serokê Tirkiyê Receb Teyîb Erdogan got ku “rêjîma Esed û rêxistina DAIŞê du rûyên yek diravî ne û di destê aliyekî nenaskirî de ne”, di demekê de ku coxrafiya deverê û di nav de tirkiya jî di qonaxek dijwar de derbas dibe.
Herwiha Erdogan got ku “rêxistina DAIŞê bi navê ola Islamê kuştaran pêk tîne û rêjîma Esed jî hewl dide hebûna xwe biparêze bi jinavbirina gelê Sûriyê”.
Di heman demê de Serok Erdogan pirsyar kir:” kî alîkariya vê rêxistinê dike û ji bona çi? Rêxistinek ku bê dudilî û bi navê Ola Islamê komelkujiyan pêk tîne , û Ol ji xwe re kiriye perdeyek, ku heroj bi şewtandin û herfandina şûnwarên dîrokî yên kevnare û pertûkxane û ziyaretgehan û mizgeftan radibe”.
Serok Erdogan amaje kir ku “rêjîma Esed ya diktatorî bi heman kiryarên rêxistina DAIŞê dirabe “. Û got :” her weha rêjîma Esed çekên kêmyawî û bermîlên teqîner û teqemeniyan li dijî Sûriyan pêk tîne, û çi karîna wî hebe di êşkencekirin û çewisandina wan de bikar tîne , û 350 hezar kes kuştine û bûye sedema koçberkirina bikomel û egera awarebûna şeş milyon kesên din”.
Tê zanîn ku Hevbendiya Niştimanî di gelek daxuyaniyên xwe de tekez kiriye ku rêxistina DAIŞ di deverê de rengvedanek ji terora Esed e û bi çavdêriya damûdezgehên ewlekarî yên rêjîma Esed hatiye çêkirin û gelê Sûriyê ketiye di navbera çakûç û Sindanê rêjîm û DAIŞê de, û herwiha Hevbendiyê tekez kiriye ku rêjîma Esed kok û maka terorê ye di deverê de û hîç çareseriyek ji kok ve ji terorê re nîne bê çûna rêjîma Esed.
Hêjaye gotinê ku berdevkê Hevbendiya Niştimanî Salim Elmislit di daxuyaniyek pêştir de tekez kiribû ku “çûna Esed mercê sereke ye di her çareseriyeka siyasî de”, û tekezî kir ku “berî ev merc bibe mercê Hevbendiyê ew daxwazek serekî bû ya gelê Sûriyê ku ji bona wê gelek nirx û qurbanî dane”.
Jêder: Hevbendî +Enadol
