Serokê Tirkiyê Receb Teyîb Erdoxan ragihand ku dirustkirina navçeyek tenah li bakurê Sûriyê û paqijkirina wê ji çeteyên DAÎŞê, wê rê xweş bike li pêşiya vegera nêzîkî 1,8 milyon penaberê Sûrî ji Tirkiyê bo welatê xwe.
Erdoxan dirêjî da axivtina xwe ku wê oparisyonên serbazî li dijî terorêstên DAÎŞê û li dijî rêxistinên kurdan wê bi şidet bidomînin û veger ji vê yekê nîne.
Li aliyek din duhî û di kongirekî rojnamevanî de Wezîrê derve yê Tirkiyê Mewlûd Çawîş Oxlo got ku erdên li bakurê Sûriyê yên tên paqijkirin wê bibe “Navçeyek Tenah” piştî zincîreka êrîşên firokên şer yên Tirkiyê li ser bakurê Sûriyê û bombebarankirina hin pêgehên DAÎŞê.
Herwiha wezîrê derve di kongirê rojnamevanî de got ku Tirkiya “herdem piştevaniya hebûna navçeyên tenah û yên dijfirînê di Sûriyê de dikir ” û diyar kir ku “ew kesên koçber bûne dikarin vegerin wan navçeyên tenah”.
Hêjaye gotinê ku Hevbendiya Niştimanî daxwaz ji Hevpeymaniya Navdewletî kiribû ji bona pêwîstiya lezkirinê di sepandina navçeyên tenah di Sûriyê de, û daxwaza pêşkêşkirina piştgiriya pêwîst bo artêşa Azad kiribû ji bona parastina Sivîlan û rawestandina êrîşên esmanî yên firokên rêjîmê tevlî rûbirûbûna metirsiya rêxistina DAÎŞê li ser navçeyên rizgarkirî, ku DAÎŞ ber bi van navçeyan tê û siyaseta wê ligel rêjîma Esed digunce.
Herwiha Hevbendiya Niştimanî dît ku dirustkirina navçeya tenah pêngavek pêwîst e, Hevpeymanî pê dirabe bo parastina sivîlan ji tawankariyên rêxistinên terorîst û di serî de rêjîma Esed, û hevdem hişyarî da ji derngxistina avakirina navçeyek tenah,ji ber ku her rojekê dereng dikeve, kuştarek din bi ser Sûriyan de zêde dibe.
Jêder:Hevbendî+Wekalat