Serokatiya fermandariya giştî ya Tirkiyê duhî yekşemê êvarî di daxuyaniyekê de eşkere kir ku hin serbaz ji aliyê wê hatine girtin ji ber riftara wan ya xirab ligel 4 kesan di dema hewl didan bi rêka sînorê ligel Sûriyê derbasî Tirkiyê bibin, bi sedema belavbûna parçevîdyoyekê, ku têde xuya dibe 4 kesên koçber ji aliyê hin serbazên Tirk têne riswakirin li ser sînorê Tirkiyê ligel Sûriyê.
Serokatiya Erkanê Tirkiyê di daxuyaniya xwe de got ku “hin serbaz hatin girtin bi sedema riftarên wan yên nayên qebûlkirin di derheqa hin kesan de, yên hewl didan ji Sûriyê bi rêkên neyasayî derbasî Tirkiyê bibin“.
Daxuyaniyê got ku “ew herçar kesên hewl didan sînorê Tirkiyê bi rêkên neyasayî derbas bikin, carek din hatin vegerandin bo aliyê din yê sînor, ligor yasayê û piştî encamdana kontrola pizîşkî ji wan re, û tekezbûna başiya rewşa wan ya tendirustî“.
Jêder: Ofîsa Ragihandina Hevbendiya Niştimanî / Wekalat
