Careke din Sekretêrê Giştî yê Neteweyên Yekbûyî Ban kî Moon daxwaz ji Ecumena Ewlekariya Navdewletî kir ku tawanên cengê li Sûriyê radestî Dadgeha Tawankariya Navdewletî bike , û Beşar Esed bi kuştina derdora 300 hezar kesî jî tawanbar kir.
Doh, roja Duşemê Ban Kî Moon daxwaz ji Encumena Ewlakariya Navdewletî kir ku daxwaznameyeke fermî pêşkêşî Dadgeha Tawankariya Navdewletî bikin, da ku dest bi lêpirsînên xwe bike derbarê tawanên cengê li Sûriyê. Û daxwaz ji encumenê kir ku ji nû ve hewla xwe derbarê vê yekê bike, tevî ku Rûsya û Çînê mafê Vîtoyê bikar anîn ji bo rawestandina vê daxwaznameyê di sala 2014an.
Û da zanîn ku rewşa li Helebê bobelat e, û got ku ew bi bêhêvîbûnê hest dike piştî sernekeftina Encumena Ewlekariyê di gihiştina biryarekê de ji bo bidawîanîna şer di çarçoveya redkirina du pirojenameyan ku ji aliyê Rûsya û Ferensayê di rûniştina Şemiya derbasbûyî de hatibûn pêşkêşkirin.
Ji aliyê xwe ve, Wezîrê Derve yê Fernsayê Jan-Mark Erolt ragihand ku welatê wî wê daxwazê ji Dadgeha Tawankariya Navdewletî bike, da lêpirsînê di tawanên cengê yên ku dibe li Sêriyê hatibin encamdan bike, di heyama helmeta Rûsya û rejîma Esed li ser bajarê Helebê.
Erolt got ku welatê wî dê têkiliyê bi Dadxwaza Dadgehê re bike da ku rêyên ku dibe lêpirsîn jê destpê bikin nas bikin.
Û lêzêde kir ku Rûsya li Helebê çekên pêşkeftî bikar anîn ku derbasî nav veşargehên ku sivîlan xwe têde diparasatin dibûn, wek bombe û rokêtên Feraxî û yên hejînkar. û da zanîn ku ev bombebarankirin tawaneke cengê ye, û hemû kesên ku destê wan di tişta ku li Helebê dibe de li xwe digire, di nav wan de serkirdeyên Rûsya”.
Herwiha Nûnera Bilind ya Siyasetên Derve û Ewlekariyê di Yekîtiya Ewropayê de Federica Mogherini Doh, Duşemê rexne li bikaranîna Rûsya ji Vîtoyê re derbarê pirojebiryara Encumena Ewlekariyê derbarê Sûriyê girt.
Mogherini di heyama kongirekî rojnamevanî de piştî hevdîtina wê bi Wezîra Derve ya Siwêdê Margot Wallström re got, ” bêdengiya Encumena Ewlekariyê derbarê êrîşên li ser Helebê, û bikaranîna Rûsya ji Vîtoyê re, Cihê mixabiniyê ye”.
Jêder: Hin Ajans