Emîndarê giştî yê Netewên Yekgirtî Entonyo Gotîrîş daxwaz ji dewletên piştgir kir ku ko dîsa pabendiyên xwe yên darayî û yên mirovî û siyasî bo miletê Sûrî û welatên mêvandariya penaberan kirine nû bikin. Di nameyekê de bi rêya weşana televizyonê Gotîrîş ji yên di kongirê Biroksilê de beşdar bûne re şandiye, kongirê ko bo piştgiriya paşeroja Sûriyê û herêmê bike, têde tekez kir ko “aştî li Sûriyê pêk nayê eger ne li gora biryara encûmena ewlehiyê ya hejmar 2254ê be.”
Emîndarê giştî anî ziman ko ‘’ hêj qebareya zehmetkêşiyan mezin e‘’ piştî heşt salan ji destpêka şoreşê û û tawankariyên cengê bi destê hêzên Esed û hevalbendên wê, û bal kişand ser ko 11milyon Sûrî pêdiviya wan bi alîkariyên mirovî heye.
Gotîrîş got: ‘’ giring e piştgiriya miletê Sûrî berdewam be, û hêviyê bo paşerojeke baştir bidinê‘’, her weha ji aliyên piştgir xwest ku pabendiyên xwe yên mirovî û siyasî bo miletê Sûrî û welatên mêvandarên penaberan pêk bînin.
Û Kirîstof Stîlîyanîdîs endamê berpirsiyar bo alîkariyên mirovî û birêveberê qeyranan libal nûnerîtiya Ewropî di dawiya kongir de got: ‘’ danûstandin û sozên di kongir de hatin dan destnîşan dikin ko em berdewam bin li kêeka kesên pêdiviya wan bi alîkariyê heye. ‘’
Stîlîyanîdîs diyar kir ko kongir nameyeke giring bo cîhanê û miletê Sûrî belav kir, tekez kir ko bi rêya çareseriyeke giştî, aştî û siyasî, dê aramî û dîmuqratî û xweşî li Sûriyê pêk bê.
Tê zanîn ku 80 nûner yên bêtir ji 50 welatî ji nav wan Tirkiyê di kongirê ko duhî pêncşemê bidawî bûye beşdar bûne, Hevbendiya Niştimanî ya Hêzên Şoreşê û Rikberiya Sûriyê li rex karên kongir civînin giring pêk anîn, tê de giringiya rawestandina kuştarên ko rêjîma Esed pêk tîne û pêşxistina pirosêsa siyasî bo veguhastina siyasî misoger bibe li gora biryarên navdewletî gengeşe kirin.
Jêder: Ofîsa Ragihandina Hevbendiya Niştimanî ya Sûrî
