Emîndarê giştî yê Netewên Yekgirtî, António Guterres, operasiyonên bombebaranê yên berfireh dijî malên niştecihan û bargehên zindîdar li gundewarê Hema û Idlibê pirotesto kirin, û daxwaza parastina sivîlan û pabendiya bi peymana Idlibê kir.
Guterres di daxuyaniyekê de duhî duşemê belav bibû diyar kir ko ‘’sê navendên bijîşkî ketine ber êrîşên asmanî, ko hejmara bargehên ko hatine amanckirin ji 28 nîsana bûrî de heta nuha bi kêmanî bûn heft cih. ‘’
Û ‘’ amanckirina 9 bargehên fêrkirinê bi êrîşan ji 30 nîsanê û vir de pirotesto kir, ko hejmarek dibistan li Idlibê hatine girtin, her weha nîgeraniya xwe diyar kir derbarê raportên ko tên li ser êrîşên asmanî dijî herêmên niştecihan û jêrxanên sivîl, ko bi sedan kuştî û birîndar çêbûne, û bêtir ji 150 hezar kesî derbider bûne. ‘’
Daxuyaniya emîndarê giştî ji hemûyan daxwaz kir ko rêzê li yasaya navdewletî bigirin, û daxwaz kir ko bi bendên peymana Idlibê ya derbarê agirbestê û çêkirina herêmeke aram a bêçek pabend bin, bi taybetî bang li aliyên dabînker ên pirosesa Astane kir ko çavdêriya peymanê bikin tako pêk were.
Serokê desteya danûstandinên Sûrî Nesir Elherîrî got ku ew hêj digel Tirkiyê de têkildar e, çimkî ew dewleta bingehîn ya dabînkera peymana Idlibê ye, ji bo êrîşa li ser Idlibê rawestîne.
Elherîrî duhî duşembê got ko ew her weha digel encûmena ewlehiyê û Netewên Yekgirtî û dewletên din yên kartêker di têkiliyê de ye, tako ev êrîşa ‘’berberî” û komkujiyên derheqê sivîlên bêçek rawestînin. ‘’
Jêder: Ofêsa Ragehandinê ya Hevbendiya Niştimanî
