Wezîrê karê derve yê Birîtaniya Fîlîp Hamond doh Înê di daxuyaniyeke xwe de dema serdana wî bo kampa penaberên Sûriyê li iyaleta Edena ya Tirkiyê got:” destwerdana leşkerî ya rûsiya di sûriyê de jiyanê dide Esed”.
Û Hamond destnîşan kir ku :” destwerdana leşkerî ya rûsiya di sûriyê de jiyanê dide Esed, û çaktirîn kar em bikin ew e, ku em agahiyan derbarê êrîşên Rûsiya dijî sivîlan kom bikin û em wan di dezgehên ragihandina cîhanî de belav bikin”.
Hamond weha jî got:”welatê wî daxwaza bordoman-nekirina deverên sivîlan û destberdana ji dorpêçkirina bajaran û gihandina alîkariyên mirovî bo wan deveran kiriye” û berdewam kir”Rûs dibêjin ku ew piştgiriya daxwazên me dikin, bê goman tiştê ew dikin yekcar ne weha ye”.
Hevbendiya Niştimanî Ya Hêzên Şoreş Û Rikberiya Sûriyê ji berê de dîtiye ku destwerdana Rûsiya ya leşkerî di Sûriyê de”dijminkarî ye dijî gelê Sûriyê” û piştgirî ye ji rêjîma Esed re yê li ber ketinê ye, û ne ji bo jinavbirina rêxistina DAIŞê ye wek ku Rûsiya dibêje.
Hebendiyê weha jî got:” şerê dijî terorê yê ku hikûmeta Rûsî da ber rûyê xwe wek behane ji dijminkariya wê ji gelê Sûriyê re, ji rojên pêşî de derew xuya kir, dema ku balafirên Rûsî kuştar dijî sivîlan pêk anîn, û ji hejmara 12 hezar êrîşên asîmanî ku Rûsiya bombeyên goşî û fosforî û mûşekên valahî di wan de bi kar anîn, 94% ji wan deverên sivîlan û baregehên artêşa azad armanc kirine, di heman dema helmetên koçberkirina nîv milyon Sûrî ji deverên wan li gundewarên Laziqiyê û Hums û Hema û Helebê çêdibûn, û van karan rastiya dijminkariyê û armancên wê eşkere kirin”.
Jêder: Hevbendî
