Wezîrê derve yê Birêtaniya Fîlîb Hamond got: “li cîhanê bitenê kesek heye bi telefonekê dikare paşeroja Sûriyê biguhere, û ew kes li Kirêmlên dijî”.
Hamond di bernameyekî taybet de li ser kanala Elcezîrê got:” Divê Rûsiya bapend be bi sozên xwe li ser xistina guvaş û fişaran li ser Esed ji bo tevlî danustandinên rasteqîn bibe, û pêwîst e ku bizavên xwe terxan bike ji bo şerê dijî rêxistina DAÎŞ’ê”.
Û pêde çû û got: “gotin jêre navê ku Rûsiya, rêjîma Esed ji rewşa wê ya zehmet ya têde xilas kir”, lê piroseya leşkerî û ya siyasî, bi dîtina wî, hetahetayê namîne, ” lewra pêwîst e ku em Rûsiya têxin bin taqîkirinê ji bo pêşkêşkirina tiştekî”.
Herwiha ligor dîtina wî, ku opozisyona lêbiral û girûpa navdewletî ya piştgiriya Sûriyê, wê baweriya wan bi civaka navdewletî nemîne heger vê havînê pêşdeçûek çênebe.
Û li ser boçûna wî li ser paşeroja Sûriyê, got ku Birêtaniya dixwaze welatekî yekgirtî û hikûmetek rewa ji bo hemû pêkhateyan bibîne, herwiha çûna Esed bi rêka piroseyek siyasî be, ku “di vê mijarê de em hevkariyê ji Rûsiya dixwazin”.
Herwiha got ku pêwîst e opozisyona Sûriyê bimîne li ser baweriya piroseya siyasî, û hin derfet hene li pêş veguhestina siyasî da bibe hokarê çûna Esed, lê pirose timam nabe bê ku Rûsiya û Îran, Esed bînin li ser mêza danustandinan.
Hevdem bal kişand ku heryek ji rêxistina DAÎŞ û rêjîma Esed bi heman kiryarên hovane dirabin, lê DAÎŞ dibêje ku ew Dewlet û Xilafetê ava dike, ev tê wateya gefxwarina rakirina rewaya dewletên ava.
Jêder: Elcezîrê
