Stîvin Obirayîn karsparteyê sikirtêrê giştî yê karubarê mirovî û rêxerê hawarhatina tengaviyan ragihand ku “li Sûriyê hîç piyayek yan jinek yan zarok nemaye ku bandora hevrikiya xwînawî ya dirêj lê nebûye “, her ji destpêka şerê rijêma Esed li dijî gelê Sûriyê.
Obrayîn got ku tevî bizavên siyasî yên niha dibin, pêwîst e ku dakokî li ser wê rastiyê bête kirin ku hêjî tundutîjî li gelek navçeyên Sûriyê berdewam e, û ligor dîtina Obrayîn ku hevyên dawiyê xirabtirîn heyv bûn ji sivîlên Sûriyê re.
Li aliyek din, komsyarê bilind yê NY yê karubarê penaberan, Fîlîbo Cirandî got ku hejmara penaberên Sûriyê yên koçber ji zordestiya hêzên Rijêmê û milîsên terorîst hejmara pênc milyon penaber derbas kir.
Obrayîn got ku pêwîstiya gelê Sûriyê bi hestê başkirina jiyana rojane heye, ji ber ku xelkê Sûriyê gelek zehmetî ji vê hevrikiyê dîtin, û hêviya serkeftina piroseya siyasî ya niha dibe kir, û piştgiriya xwe ya tekûz ji şanderê taybet yê sikirtêrê giştî Dî Mestora û ji tîma wî re tekez kir.
Herwiha bang li dewletên xudan bandor kir ku hewl bidin ji bo dûrkirina nakokiyên xwe, ji bo bidawîkirina şerê Rijêmê yê li dijî gelê Sûriyê, û tekez kir ku tirajidiya gelê Sûriyê bi vê yekê bitenê bidawî dibe.
Obrayîn nîgeraniya xwe nîşan da li hember parastina giyanê zêdetir ji 400 hezar sivîlên parêzgeha Reqa, bi sedema oparesyonên leşkerî, û bal kişand li ser nûçe û raportên belav dibin li ser kuştin û birîndarbûna bi dehên sivîlan ji encama şer û êrîşan.
Spatekarê sikirtêrê giştî cext li ser giringiya gerantîkirina parastina sivîlan û jêrxana bajêrvaniyê û berdewamiya gihandina alîkariyan bo sercem xelkê pêwîstdar li Sûriyê û rakirina astengiyên dikevin di riya vê yekê de kir.
Jêder; Ofîsa Ragihandina Hevbendiya Niştimanî / Wekalat