Nûnera Amerîka li Neteweyên Yekbûyî Samansa Bawer, dilgiraniya Waşintonê der barê ragihandina rêjîma Esed ku ew ê êrîşê bibe ser bajarê Helebê anî ziman, û Bawer hişyarî da ku ev gurkirina ji aliyê rêjîma Esed ve, gefan li danûstandinên Cinêvê dike.
Û Bawer daxwaz ji Rûsiya û dewletên bandora wan li ser Rêjîmê heye kir ku pêwîst e pabendî bi rêkeftina “Rawestandina Karê Dijminkarî” li Sûriyê bê kirin.
Her weha Ferensa jî hişyarî da û got ku êrîşên hêzên rêjîma Esed li ser Helebê û Xûta Rojhilat ya Şamê, gef in li ser Agirbesta li Sûriyê û danûstandinên Cinêvê .
Û berdevkê wezareta karûbarê derve ya Ferensayê, Roman Nadal, di kongirekî rojnamevanî de , doh sêşembê, dilgiraniya xwe der barê vegera karên tundûtûjiyê careke din li sûriyê anî ziman.
Û Nadal di kongirekî rojnamevanî de duh Sêşembê got ku: ” Ferensa hişyariyê dide rêjîma Esed û hevpeymanên wî ku êrîşên wan li ser Helebê û Xûta Rojhilat gef in li ser agirbestê, tevlî ku wê Rêjîm û piştgirên wî berpirs bin dema kirîzeke mirovahî ya nû çêbibe ji encama wan êrîşan, û her weha ew berpirs in di ber têkçûna danûstandinan de”.
Her weha Hevbendiya Niştimanî ya Hêzên Şoreş û Rikberiya Sûriyê, di daxuyaniyeke xwe de, doh, tekez kir ku helmeta rêjîma Esed dijî bajarê Helebê binpêkirineke rastyeqîne ye ji rêkeftina Rawestandina Karên Dijminkarî re, û bi xurtî got ku ew rêkeftin wê bêwate û bênirx bibe eger dijminkariyên rêjîma Esed û tawanên kuştinê li Sûriyê berdewam bin bêyî ku kes wan rawestîne.
Hevbendiyê tekez kir ko divê ji her kesî ve xuyanî be ko beraberiya Tiroristiyê û têkbirina wê li ser destê tiroristiya dewletê bêsûde ye, û tekûzkirina çareseriya siyasî ew destpêka çareseriyê ye.
Hem jî Hevbendiyê hişyarî da li ser tawankariya Rêjîm planê jê re dike, ji bo li Helebê pêk bîne, û metirsiyên dê çêbibin bi sedema neyîniya Civaka Navdewletî beraberî amadekirina ko jê re dibe.
Hevbendiyê doz kir ko gerek fişara civaka navdewletî li ser rêjîmê û hevalbendên wê berdewam û bihêz be, ji bo ajotina rewşê ber bi çareseriyeke siyasî ya guncayî bi biryarên Encûmena Ewlekariyê re , tê de mafê miletê Sûrî û pêkanîna amancên wî misoger bin.
Hevbendiyê got ko Pirotestokirina evê operasiyonê û gumankirin bi armancên wê ne bes e, û wê bête xuyakirin ko ew jî ruhniyeke kesk e ji Rêjîmê re. hem jî mukurhatineke ji Civaka Navdewletî, ko çi giraniya çareseriya siyasî li rex wan tune ye, ne jî guh didin peymana agirbestê, ya ko tucaran nikare li beraber evan binpêkirin û zêdegaviyên berdewam bimîne.
Jêder: Hevbendî+ Ajans