Serokê Fransa Firenswa Holand doh duşembê got ko Welatê wî û şirîkên xwe di rojên bê de wê bi hev re pêşinyara ku Tirkiyê û Hevbendiya Niştimanî pêşkêş kirine gengeşe bikin, ew pêşinyara çêkirina Herêmeke aram ji bo qedexekirina Firokan li Bakurê Sûriyê .
Holand di kongirekî Rojnamevanî de ko li rex Civînên Komela Giştî ya Netewên Yekbûyî lidar xist got: dê Wezîrê derve yê Firansa Loran Fabiyos û Şirîkên Ferensa” di rojên dahatî de li ser çêkirina sînorê Herêma aram û çawaniya dabînkirina wê gengeşe bikin”
Holand diyar kir ko “Ev pêşinyar wê ne tenê ewan kesên li wê Herêmê biparêze, belê dibe Penaber jî lê vegerin û ev ramana avakirina Herêma aram e.”
Berdewam kir “dibe ko pêşinyar cihê xwe di biryarên Encûmena Ewlekariyê de bibîne û rewayeke navdewletî wergire.”
Serokwezîrê Tirkiyê jî diyar kir ko Tirkiya dikare sê bajarên mezin li evê herêmê ava bike, ne kon belê malên ko berê çêkirî ne wek gava erdhej çêbû li Tirkiyê wisa kir. Hersê herêm di piyasa 100 km di navbera Mar’ih û Cerabilis û her bajarekî 100 hezar Sûrî bihewîne û piştgiriya darayî ji Ewropa be û cîbicîkirin Tirkiyê bike. Bi taybetî ko dewletên Ewropî qeyrana ko Tirkiyên ev çend sal dibîne têdigihên.
Serokê Hevbendiya Niştimanî Xalid Xoce jî li ser giringiya avakirina Herêmên aram li Bakur û Başûrê welat tekez kir, Çimkî ewê gelê Sûrî ji Bermîlên teqîner yên rêjîma Esed biparêzin, Hem jî wê têgihana birêveberiya sivîl belav bike û wilo dê têkbirina tiroristiyê bêtir bibe.
Xoce dîsa got: bi çêbûna Herêma aram anko misogerkirina hêminiyê dê Penaber li xaka xwe vegerin û hem jî dê alîkariyên mirovî bêtir bigihên wan.
jêder: Hevbendî+Acans
