Rêkxistina Human Rights Watch raportek derxistiye têde dibêje ko tekezkirina dardakirina çalakvanê Filestînî- Sûrî Basil Elsefedî bi destê ewlekariya rêjîma Esed Rewşa bi hezaran girtiyên windakirî di zindanên Esed de û rewşa rêjîma zordar li Sûriyê diyar dike.
Rêkxistina navnetewî bêtir got ku rêjîmê bi hezaran Sûrî bi şêweyekî neyasayî girtine, ji nav wan jî çendîn çalakvanên aştiyane û got ku bi hezaran di jêrzemînên ewlekariyê de wek Basil Elsefedî mirine, û destnîşan kir ko li dev wê wêneyê nêzîkî 7000 kelaxên kesên girtî yên di dema girtinê de mirine li bal wan hene.
Rêkxistinê got: “kêşeya Basil nimûneyeke xuyanî ye ji kirdeyên rêjîma zordar re li Sûriyê, raporta rêkxistinê berdewam kir û got ku rêjîma Esed ne tenê ew êşkence kiriye û dardakiriye, lê bû sedema derdê malbata wî gava çarenivîsa wî diyar nekiriye. Rêjîma bi hezaran Sûrî , ji nav wan jî çendîn çalakvanên aştiyane wek Basil Elsefedî girtine. ”
Rayits Wotş got ku gerek e“dardakirina Basil bibîr tîne ko çaksazkirina rêjîma dadmendiyê li Sûriyê ji bo çi çareserkirina siyasî mijareke bingehîn e, wek sizakirina hemû tawankaran, û giring e rê bidin çavdêrên serbixwe tako bigihên navendên girtîgehan li Sûriyê. ”
Kovara “Forn Polîsî” Basil wek yekî ji nav 100 ramyarên cîhanî sala 2012ê destnîşan kiribû, ji ber “sûrbûna wî li ser aştiyanebûna şoreşê di hemû rewşan de” û Basil pisporiya xwe di azadiya derbirînê de li Sûriyê bikar aniye.
Rêkxistina lêborîna navdewletî sêşembê nûçeya darvekirina Pirogramsazê Sûrî ji 2015ê ve tekez kiriye. her weha hevjîna wî ya mafnas Nûra Gazî Elsefedî di rûpelê xwe yê Facebookê de ragihand ko Basil piştî veguheztina wî ji zindana E’edra ya li Şamê di 3.10.2015ê şehîd ket.
Elsefedî sala 1981ê jidayik bûye û ew yê herî binavûdeng bû di warê karê xwe de, û naznavê balyozê “Elmuşa’” lê hat kirn ji ber bizava wî di pirojeyê “Mozîla” de. Û hêzên ewlekariya rêjîma Esed di adara 2012ê de ew girtibûn.
Jêder: Nivîsgeha Ragihandinê ya Hevbendiya Niştimanî/Acans
