Rêxistina “Human Rights Watch” piştrast kir ku dibistanek li Idlibê ji aliyê rejîma Esed bi roketên giran hat bombebarankirin, û têde hejmarek ji zarokan şehîd ketin, û dît ku ev êrîş digihêja asta “tawanên şer”.
Rêxistina navnetewî duhî roja înê di raportekê de got ku ji aliyê hêzên rejîmê êrîşeke bêserûber û neyasayî li nêzîk dibistana “Al-xensa” li bajarokê “Circinaz” li deşta başûrê Idlibê li roja 24’ê mijdara borî hatibû pêkanîn, û bal kişandiye ku sê topên hawanê, 240 mm model “3 F-2” (3F2) “Gagara” Russian-made, di êrîşê de hstine bikaranîn, ku ev top bi pergalê topeke mezin hatiye çêkirin û peqîneke xurt dide û taybet e ji bo wêrankirina keleh û asêgihan.
Rêxistinê diyar kir ku di êrîşê de şeş zarok û mamoste û dayîka xwendevanekî hatin kuştin, ligel birîndarbûna sê kesên mezin û deh zarokan, ku destupiyê 2an ji wan hatin birrîn, û bal kişand ku dibe bûyer bigihêje asta tawanên şer.
Wê diyar kir ku giraniya her topek ji wan topên hatine bikaranîn di wê êrîşê de digehêje 239 kg û giraniya serikê teqîner bi giraniya 46 kîloyî ye û pêdivî bi tîmeke pênc nefer heye da bête hilgirtin û avêtin, û da zanîn ku yekem top bi dûriya 550 metran li bakur-rojhilatê dibistanê ket, û têde xaniyek ji çar odeyên vala wêran kir, li pey re bi 8 xulekan duyem top bi dûriya 30 mitran li bakur-rojavayê dibistanê ket, û têde jinek û zaroka xwe hatin kuştin, û topa sisiyan li nav erda çandiniyê ket ku şagirt ji dibistanê ber zeviyan reviyabûn, û têde 6 zarok hatin kuştin.
Rêxistinê piştrast kir ku çi çeperên leşkerî li nêzîk dibistanê yan li dorbera wê deverê nebûn, ji ber vê yekê dibe ku ev êrîş bi qest li dijî sivîlan hatine pêkanîn, û bal kişand ku xelkê “Circinaz” her ji destpêka şoreşê, hebûna baregeh û navendên leşkerî li “Circinaz” red dikin.
Rêxistinê nûçeyek li ser zarê “Bill Wanê Asfield” yekem lêkolînerê mafên zarokan li “Human Rights Watch” ragihand û got ku êrîşa hovane ya li ser “Circinaz” nimûneyek piçûk e li ser trajediya çarnivîsa bi hezarên zarokan , di dema ku êrîşeke berfireh li ser Idlibê destpê bike, bêyî standina tedbîrên parastina welatiyên sivîl, û got: Divê Rûsya fişaran bikar bîne li ser rejîmê ji bo rawestandina van êrîşan, yên yasayê bi şêweyekî aşkere binpê dikin, û divê parastina welatiyên sivîl wek erkê sereke be.
“Asfield” tekez kir ku çi hincet di destê rejîma Esed de nînin ji bo pêkanîna êrîşan li ser avahiyên sivîl wek dibistanan, lê herwiha jî hêzên wî bê rêgir û sizadan berdewam in di sotin û kuştina zarokên dibistanan, û dûpatî li ser pêwîstiya rawestandina van êrîşên bêserûber kir, ji bo parastina zarokan.
Hevdem ku parêzgeha Idlibê car-car bi top û mûşekan ji aliyê hêzên rejîmê tê topbarankirin, û dibe sedema kuştin û birîndarkirina welatiyên sivîl, tevî êrîşên cuda-cuda yên balafirên Rûsiya li ser parêzgehê, tevî ku parêzgeh dikeve di navçeyên peymana Idlibê de.
Jêder: Ofîsa Ragihandina Hevbendiya Niştimanî ya Sûriyê
