Rêkxistina “Human Rights Wotch” tekezî li ser parastina sivîlan û rêzgirtina li mafên mirovan li Reqayê kir, piştî destpêkirina şerê qewitandina rêkxistina Daişê ji bajêr, û nûçe hene ko sivîl di bombebaranê de hatine kuştin.
Rêkxistinê behsa pêwîstiya dabînkirina derbasbûna aram bo sivîlên derbiderbûyî kir, û giringiya alîkarî bo wan bête pêşkêşkirin, û bizavê bêtir bikin tako xakê ji mayûn û bombeyan pak bikin.
Lema Feqîh cîgira birêveberê beşê Rojhilata navîn ya Human Rights Wotch tekez kir ko şerê Reqayê “ne tenê ji bo têkbirina Daişê ye, lê belê ji bo parastin û alîkariya sivîlan e, yên ko 3 sal û nîvan di bin desthilata wan de mane.”
Feqîh bêtir got ku gerek endamên Hevpeymaniyê û hêzên xwecihî “ bi zelalî diyar bikin ko giyan û mafê bi sedhezaran sivîlên Reqayê jî, ji pêşindeyên wan êrîşan e”.
Human Rights Wotch çend êrîşên bi mûşekan û yên asmanî belgeh kirine, têde ziyan gihane sivîlan, di wan êrîşên ku hêzên Hevpeymaniyê bi serpereştiya Emerîka li Sûriyê pêkanîne, ji gava ko operasiyonên xwe li Sûriyê ji gulana 2014ê ve destpê kirine, û ziyanên sivîlan bêtir bûne bi sedema êrîşên hevpeymanê, û tirs wisa bêtir kirin, derbarê ku hisabê xwe bo parastina sivîlan nekirine.
Jêder: Nivîsgeha Ragihandinê ya Hevbendiya Niştimanî/Acans
