Wezîrê karê derve yê Amerîkayê Con Kêrî tekez kir ku Esed birçîkirina sivîlan wek çekekî di cengê de bikar tîne û ” ji dema şerê cîhanî de me tiştekî wek mirina xelkê ji nêza li bajarê Medaya yê Sûrî ne dîtiye “.
Îro Kêrî di destpêkirina kongireyê navdewletî li Romayê derbarî rûbirûbûna terorîstiyê ji rijêma Esed xwest ku” êrîşên dijî sivîlan bi şêweyekî zû rawestîne û alîkariyan bighîne bajarên Sûriyê yên dorpêçkirî” .
Karsiparteyê Netewên Yekbûyî Yê Bilind bo mafê mirovan Zeyd Re’ed Elhuseyn duh got ku heye ku birçîkirina Sûriyan bighê asta tawanên cengê, û wiha jî ji rojnameyeke Cinêvê re got : “derbarê rewşa li Sûriyê, em li vê derê ne ji bo em di bîra her kesî de bînin ku dema ku gilî hebin û ew gilî dighên asta tawanên cengê anjî tawanên dijî mirovahiyê wê çaxê lêbûrîn nema tê kirin “.
Û Elhûseyn daxwaza serbestberdana yekser bo bihezarên girtiyên bi kotekî yên di girtîgehên dezgehên Ewlekariyê yên rijêma Esed de kir, û got : ” texmînên me destnîşan dikin ku bi dehên hezaran girtiyên kotekî hene û divê serbest bên berdan”.
Weke ku cîgirê serokê Hevbendiya Niştimanî ya Hêzên Şoreş û Rikberiya Sûrî Hîşam Merwa tekez kir ku rijêma Esed biryarên Netewên Yekbûyî li ser xakê binpê dike bi asêkirina dorpêçkirina sivîlan û birçîkirina wan û qedexekirina gihandina derman û alîkariyên xwarinê bo wan, ew tev di bin sîwaneke leşkerî û asîmanî ya dijminkariya Rûsî li ser welatê me, di dema ku rijêma Esed civaka navdewletî dixapîne û berepêkan dide derbarê pirosêsa siyasî û rûniştina li dor maseya danûstandinan, û ew jî di bin perdeya siyasî ya Rûsiyê de “.
Û cîgirê serokê Hevbendiyê got ku Esed bizava astengkirina çi çareseriya siyasî hebe dike di riya serhişkiya xwe re û berdewamiya dorpêçkirina sivîlan û bêparkirina wan ji xwarin û dermanan, di dema ku nekarînek diyar heye derbarê neçarkirina Esed ji bo bicihanîna biryarên Encûmena Ewlekariyê yên daxwaza vekirina dorpêçê û gihandina alîkariyan dikin, û tu çare tune ye ji bilî bikarînkirina Artêşa Sûrî ya Azad ji bo nehêlana dorpêçkirinê, di riya pir-çek kirina wê bi çekîn coreyî û yên dijî mertalan yên ku dikarin dorpêçê vekin û jiyana xelkê ji nêza-mirinê biparêzin”.
Jêder:Hevbendî+ajans
