Wezîrê derve ê Emirîkî Con Kêrî tekez kir ku kiryarên Beşarê Esed tiroristan dikşînin Sûryayê, û hişyariya ji encamên van karan dayê.û got ku Emirîka ji ber vê rewşa karesatî li Sûryayê ku hişt sêparên Sûriyan koçber bibin dilteng e. Ji hêleke dî ve, Kêrî pesnê bizavên şanderê Netewên Yekgirtî Stîvan Dî Mistora – piştî hevdîtina wan li Cinêvê- da, û got: ” karê şander bo ajotina hewldanên aştiyane li Sûrî, bi taybetî, guhdana bo agirbesta li Helebê pir aloz û giring e, “. Ji hêla xwe ve şanderê navdewletî bo Sûrî Stîvan Dî Mistora geşbîniya xwe bo guhdana Emirîkî diyar kir, û bal kişand ku nerînek heye ku mijara Sûrî ne di serê lîsteya kar de ye, bi taybet piştî derbasbûna çar salan di ser tiştê ku li wir dibe.
Şanderê navdewletî tekez kir ku çare siyasî ye, û ji Helebê destpê dike, ji ber taybetmendiya wê , û ji ber wê nameyeke erênî bo hemû bajaran bişîne, û ev tê wateya rawestana bermîlên teqîner û topbarankirinê, derbaskirina alîkariyên mirovahî, û dana hêviyê ji bo Sûriyan derbarê rawestana şer”. Endamê Desteya Siyasî ê Hevbendiyê Mihemed Xêr Bengo ji hêla xwe ve tekez kiribû ku ” Esed bûye tîrorkêş û hemû aliyên tundrew li cîhanê ber bi xwe ve dikişîne, û bi alîkariya wan Sûriyan dikuje, mîna milîşiyên Hizbillah ya tirorist, û hindek milîşiyên dî ji Iraqê, û herweha rêxistina “Daiş” a ku Esed ew çêkiriye bi armanca wendakirina qublenimeya şoreşê”. Bengo di daxuyaniya xwe de helwesta Ciavaka Navdewletî a nerênî derbarê şoreşa Sûrî şermezar kir, û ew wisa bi nav kir: ” Ta niha rêvebiriya Kirîzê dike, û tu çareseriyên ji kokê ve li rex tune ne”. û tekez kir: ” Divê Civaka Navdewletî li siyaseta xwe ya derbarî şoreşa Sûrî vegere , û bi erkên xwe yên Exlaqî derbarî wê rabe”.
Jêder: Hevbendî- Elerebiyê
https://fbstatic-a.akamaihd.net/rsrc.php/v2/y4/r/-PAXP-deijE.gif” >
