Komîsyona Lêpirsîna Navnetewî ya li Sûriyê, duh roja sêşemê li pêşiya Encumena NY ya Mafên Mirovan bi rêya raporteke devkî êrîşên leşkerî yên hêzên rêjîma Esed li dijî deverên kêmkirina zêdegaviyan li bakurê Sûriyê şermezar kirin.
Serokê Komîsyonê, Paulo Pinheiro, got ku hewldanên agirbestê li herêmên kêmkirina zêdegaviyan li başûrê parêzgeha Idlib û ya Hema û li rojavayê parêzgeha Helebê têkşikestin, ku êrîşên esmanî yên hêzên rejîmê yên bêserûber bûne sedema kuştin û birîndarbûna welatiyên sivîl.
Pinheiro, diyar kir ku çekên têkbir û qedexekirî hatine bikaranîn di êrîşên li ser deverên kêmkirina zêdegaviyan de, di nav de cebilxana deaktîv û napalim, û diyar kir ku ev yek bûne sedema jinavbirina çavkaniyên girîng yên berhemanîna xwarinê, û bûne sedema ziyanên mezin li ser zevî û çandiniya şêniyên deverê.
Herwiha Pinheiro, behsa felaketên bombebaranê kir, û Pinheiro li pêşiya Encumena Mafên Mirovan ya NY, di axaftina xwe de ragihandin ku êrîşên esmanî bûne sedema wêrankirina bi dehan dezgehên bijîşkî, û bêparkirina 600 hezar welatiyên sivîl ji çavdêriya bijîşkî û saxlemiyê.
Raporê diyar kir ku êrîşên rejîmê hêjî li dijî bazar, dibistan û kampên koçberan têne pêkanîn, û dibin sedema bêparkirina bi deh hezaran zarok ji xwendinê û perwerdehiyê, tevlî koçberbûna 300 hezar kesî ji bakur-rojavayê Sûriyê.
Hêjayê gotinê ye ku Komîsyona Lêpirsîna Navnetewî ji berî niha jî berpirsyariya rejîma Esed li hember pêkanîna piraniya êrîşên kîmyayî li Sûriyê piştrast kiribû, lê Rûsyayê bi rêya bikaranîna mafê redkirinê “Vîto”, rê li pêşiya Encumena Ewlekariyê girt û ew rawestand ji standina biryara şermezarkirina rejîma Esed.
Tê zanîn ku Komîteya Lêpirsîna Navnetewî ya serbixwe li ser Sûriyê, di 22’ê meha tebaxa 2011’an de, ji aliyê Encûmena Mafên Mirovan ya Netewên Yekbûyî hatibû damezrandin, û ji bo erkê lêkolînkirina hemû binpêkirinên li Sûriyê yên her ji destpêka şoreşa Sûriyê ve hat pejirandin, û ji Netewên Yekgirtî û ji encama hewldanên civaka navnetewî li sala 2016’an biryarek stand li ser damezrandina Mekanîzma serbixwe û bêalî ji bo rûbirûbûna binpêkirinên mafên mirovan û tawanên şer li Sûriyê.
Jêder: Ofisa Ragihandina Hevbendiya Niştimanî ya Sûrî
