Mîlîsa Filîming peyvdara binavê komisyona bilind ya karubarên penaberan duhî di kongireke rojnamevanî de tekez kir ku xirabûna rewşa Sûriyê wê bi hezarên Sûriyan ber bi Ewropa ve bibe di riyên pir metirsîdar de, nemaze ku Şoreşa Sûriyê ketiye di sala xwe ya pêncan de li hember şerê rêjîma Esed ya xwînrêj û bê hebûna ti asoyekî bo dîtina çareseriyek siyasî.
Dîsa got ku li Sûriyê û di çend heyvên bûrî de şerek hovane qewimî li sercem parêzgehan, ligel zêdebûna bombebarandina bermîlên teqîner û mûşek û hawinan ku bû sedema koçberkirina gelek welatiyan ji malên wan.
Ku amarên bermîlên teqîner yên rêjîma Esed avêtine sivîlan di heyva tabaxê de gihişt 1591 bombebermîlan, û ligor Tora Sûrî ya mafên mirov ku bûn sedema kuştina 115 kesan di nav wan de 37 zarok û 31 jin.
Herwiha Tora Sûrî ya mafên mirov di raporteke xwe de gotibû “ku yekemîn car bikaranîna bermîlên teqîner ji aliyê hêzên Esed xuya bû di roja sêşemê di 1/10/2012an de li dijî nişteciyên bajarê Silqîn li parêzgeha Idlibê bû”.
Tora navhatî tekez kir ku qurbaniyên bermîlên teqîner bi tevayî sivîl in, û ” rêjeya jin û zarokan di nav qurbaniyan de di navbera 12% heta 35% ye di hin caran de”.
Filîming amaje bi wê yekê kir ku xelkê Sûriyê ji bona dîtina ewlehiyê û parastina xwe li welatên Cîran rastî astengiyên dijwar tên, ku berî niha jî wan welatan pêşewazî li hejmarên mezin ji penaberên Sûrî kiribûn û got: ” penaberên derveyî welat hejmara wan nêzîkî 4,08 milyon Sûrî ye, û piraniya wan ne di kampan de dijîn û hêviyên wan roj bi roj kêm dibin, û derbarê penaberên li Urdin û Libnanê dijîn, wêne sebaret wan pir reş e piştî ku hemû qûtê wan neman ku ev yek wan han dide ku ber bi Ewropa ve biçin û di geştên metirîsîdar de piştî nemana hêviyên vegerê”.
Ji aliyek din cêgirê Serokê Hevbendiyê Mistefa Oso got: ku çavê me ne li hikûmetên Ewropa û dewlên dost bû ku hewandina penaberên Sûrî zêde bikin- ku ev yek ligor dilê rêjîma Esed û rêjîma Feqeyan hat ji bona koçberkirina xelkê Sûriyê û encamdana guhertina dîmografîk ya tayifeperest di welat de- lê xelkê Sûriyê dixwazin ku Beşar Esed û bendeka wî ya tawnbar ji Sûriyê derkevin ne welat bête valekirin ji Esed û çeteyên Îranê re, ku wan bikuj û kirêgirtiyan bi kirêdarî derbasî Sûriyê dikin bo kuştina zarok û jin û ciwanên miletê Sûriyê”.
Jêder:Hevbendî
