Encûmena Komkara dewletên Erebî, “Kirdeyên hovane û tawankariyên Rêjîma Esed dike” wek ko wê salixa wan da, li taxên Helebê yên dorpêçkirî di derheqê Sivîlan de pirotesto kirin.
Encûmenê di daxuyaniya dûmahiyê de ya civîna ne normal de ya ko doh sêşembê li Qahîre li ser asta nûnerên herdemî yên Komkarê tekez kir ko “giring e kar bibe ji bo amadekirina rewşê ji bo dîsa danûstandinên Cinêvê li jêr çavdêriya Netewên Yekbûyî çê bibin, yên ko damezirandina desteya veguhêz bi hemû karûbaran li gora daxuyaniya Cinêva 1ê û biryarên Encûmena Ewlekariyê 2254 û 2118 amanc dikin.”
Encûmenê nearamiya xwe “bi sedema têkçûna rewşa mirovî li Helebê û bajarên din yên Sûriyê da xuyakirin” û bang li Civaka Navdewletî û li Rêkxistinên Mirovî kir ko “doz bikin ku şer yekser û bi lez raweste, û alîkariyên mirovî bêne pêşkêşkirin.”
Her wiha “Tawankariyên tiroristî yên kirêt yên ko rêkxistinên tirorist wek DAIŞê û Cebhet Elnesra û Rêjîm li herêmên corbicor dikin ” pirotesto kir û got “ew dikevin asta tawankariyên cengê û feriz dikin ko giring e kiryarên wê ji dadgeha Navdewletî re bêne pêşkêşkirin. ”
Encûmenê doz li girûpa Eerebî ya li Niyûyorkê kir, “eger Encûmena Ewlekariyê di karûbarê xwe de têkçû, hûn doza Civîneke taybet ya Komela Giştî ya Netewên Yekbûyî bikin, li jêr navûnîşanê (hevgirtin ji bo aştiyê) da li ser rewşa mirovî ya metirsî li Helebê û li herêmên din yên Sûriyê û pêrabûnên pêdivî ji bo agirbestê û li pêvajoya siyasî vegerin.”
Hevbendiya Niştimanî ya hêzên Şoreşê û rikberiya Sûriyê, di daxuyaniyeke hevbeş digel alayên leşkerî tekez kir ko operasiyona siyasî li gora bingehên nuha nema sûde dike û tu wate jî jê re nîn e. hem jî nepejirandina aliyê Rûsî wekû çavdêr û serpereştê operasiyona danûstandinan, çimkî ew di tawankariyên li dijî miletê Sûrî şirîkê Rêjîmê ye.
Hevbendiya Niştimnî bal kêşand ser ko Civaka Navdewletî divê di çareseriyên perparkirî de bigihê ko derdê milet û kuştina berdewam ranawestîne, û fişar li ser Esed û Rûsya giringiyek e ji bo cîbicîkirina tekûz ya peymana agirbestê û bombebaranê, kuştin û wêraniyê rawestînin, û rê li ber çareseriya siyasî vebe li gora biryarên Encûmena Ewlekariyê û hêviyên miletê Sûrî û amancên Şoreşê misoger bike.
Jêder:Hevbendî+Acans