Komkara Dewletên Erebî nîgeraniya xwe diyar kir derbarê rewşa mirovî bi sedema gurkirina leşkerî li ser gundewarê Idlib û Hemayê, û operasiyonên amanckirina sivîlan û bargehên giştî pirotesto kirin.
Rêjîmê û hevalbendên xwe ji 26ê nîsana bûrî zincîreke operasiyonên leşkerî pêk anîne, têde çekên qedexeya navdewletî bikar anîne, di encamê de bi sedan şehîd û birîndar ketine û çend nexweşxane û bargehên zindîdar wêran kirine.
Balyoz Mehmûd Efîfî berdevkê fermî yê emîndarê giştî yên komkara erebî Ehmed Ebû Elxêt got ew bi nîgeranî rewşa mirovî ya nebaş ji ber operasiyonên leşkerî yên ji meha bûrî li bakurê rojavayê Sûriyê dişopîne, ko di herdu rojên bûrî de bêtir bûne û sivîl bûne qurbanî, hem jî çend bargehên sivîlî wek nexweşxane û dibistan wêran kirine.
Efîfî behaneya rêjîmê ko ew şerê tiroristiyê dike red kir, û tekez kir ko giring e hevrêzkarî ligel biryarên komkara erebî derxistine bibe, û got: ‘’amanckirina sivîlan an binpêkirina yasaya navdewletî nayê pejirandin û cihê pirotestokirinê ye, her weha xizmeta aramî û pêkanîna aştiyê li Sûriyê nake.‘’
Serokê desteya danûstandinên Sûrî Nesir Elherîrî tekez kir ko bêdengiya navdewletî ya derbarê ‘’Sotingeh û kuştar ‘’ ,wek wî salix daye, ya ko hêzên rêjîma Esed û Rûsya derheqê sivîlan li gundewarê Idlib û Hemayê pêk tînin şermezar kir, û got ku ew teroristiyê wek behane digire bo sivîlên bêguneh bikuje.
Elherîrî di daxuyaniyine rojnamevanî de bal kişand ser alavên ragehandinê yên cîhanî ku ew ‘’ çavên xwe ji diyarkirina bûyeran digirin.‘’ ko li herêmê operasiyonên hovane ji 26ê nîsana bûrî de pêk tên , di encamê de bi sedan bûne qurbanî û dora 300 hezar sivîlî derbider bûne.
Jêder: Ofêsa Ragehandinê ya Hevbendiya Niştimanî
