Duhî roja yekşemê, ji aliyê balefirên şer ên Rûsyayê, komkujiyek li bajarokê “Qele’et Almedîq” li gundewarê Hamayê hat pêkanîn, têde heft kes şehîd ketin, di nav de xortek û dayika xwe, ji ber topbaranana berdewam piştî çend rojan ji bidawîhatina gotubêjên Astana ya dawiyê.
Li gorî çalakvanên ji deverê; gelek êrîş ji aliyê balafirên Rûsya li ser taxên şêniyên bajêr hatine pêkanîn, û bûn sedema komkujiyekê û birîndarbûna hin kesên din bi birînên cuda ku hin ji wan giran in.
Rêveberiya “tendurustiya Hamayê ya azad”, duhî jikarketina “Nexweşxaneya 111” ya taybetmend li bajarokê “Qele’et Almidiq” ji encama êrîşa balafirên şer yên Rûsya ragihand.
Çalakvanan diyar kir ku keçeke 16 salî hat kuştin, û xortek sivil birîndar bû û ji aliyê tîmên parastina sivîl ji bo nexweşxaneke nêzîk hat rakirin, ji encama topbarana gundê “Alhiwêz” li deşta Sehil Alxab ji aliyê hêzên rejîmê bi topên hawin.
Herwiha ku êrîşên balafirên hêzên Rûsya li ser gundê “Ala’qîmê” li parêzgeha Hemayê li herdu rojên în û yekşemê bûne sedema mirina deh kesên sivîl di nav de jinek.
Tê zanîn ku gund û bajarokên parêzgeha Hamayê bi rengek berdewam rastî êrîşên balafiran û topbarana bi top û mûşekan ji aliyê hêzên rejîmê û Rûsya tên, û topbaran piştî bidawîhatina hevdîtinên Astana yên dawiyê zêdetir bûne, û bûne sedema kuştin û birîndarbûna hin welatiyên sivîl, tevî ku dever dikeve di bin peymana Idlibê ya taybet bi agirbestê.
Jêder: Ofîsa Ragihandina Hevbendiya Niştimanî ya Sûrî