Rêxistina Lêborîna Navdewletî ji serdankarên xwe xwest ku li ser lîsteyekê amza bikin da bête şandin ji herdu hikûmetên Amerîka û Rûsiya re, ji bo handana wan li ser şandina çavdêrên navdewletî bi rêka bikaranîna baledestiya wan, piştî belavbûna raporta li ser girtîgeha Seydnaya ya hatî bi navê “Qesabxaneya Mirovan”, ku têde nêzîkî 13 hezar girtî bê dadgehkirin hatine kuştin.
Rêxistina li ser sayîtê xwe yê fermî yekser piştî belavkirina raporta xwe ya li ser tawanên pir bi tirs li girtîgeha Seydnaya bi dest hêz û ewlehiya Rijêmê got “peyaman bi rêka posta elktironî rê bikin bo Rûsiya û Amerîka bo handana wan li ser bikarîna baledestiya xwe ya navdewletî ji bo derbaskirina çavdêrên navdewletî yên serbixwe li hindur Sûriyê û ji bo lêkolînkirina baredox û rewşa di hindur girtîgehan de û eşkencedana dibe”.
Herwiha bal kişand ku Rijêm “her ji sala 2011 an ve rabûye bi tawanên kuştin û eşkrncedan û bêserşûnkirinê li hindur girtîgeha Seydnaya di çarçovê tawanên bi rêbazkirî li dijî xelkê sivîl”, û tekez kiribû ku tawanên li Seydnaya digehêjin li ast tawanên dijemirov, û dibe lêkolîn têde bibe.
Rêxistinê cext kir ku “dibe Rijêm rê bilez bide derbasbûna çavdêrên serbixwe li hindur wan girtîgehên hovane li Sûriyê ji bo encamdana lêkolînan”, û bal kişandiye ku dibe hêjî bidarvekirinên rojane berdewam bin heta niha.
Ji aliyê xwe ve, Hevbendiya Niştimanî ya hêzên şoreş û rikberiyabSûriyê di daxuyaniyekê de piştgiriya xwe ji bo raspardên raportê nîşan da, nemaze derbarê daxwazên tên kirin ji girûpa navdewletî ya piştgiriya Sûriyê ji bo kar bikin ji bo rawestandina bidarvekirinan û rê bête vekirin li pêş derbasbûna çavdêrên navdewletî bê kosp li hindur girtîgehan de û herwiha daxwaza serbestberdana sercem gitiyên bi awayekî nerewa hatine girtin.
Herwiha Hevbendiya Niştimanî di daxuyaniyê de bal kişandibû li ser giringiya rabûna encûmena asayîşa navdewletî bi bizav û rêşûnên dadwerî ligor mîkanizma biryar li ser hatibû dan li roja 21’ê çileya pêşiya 2016 an ji aliyê NY, ku têde biryar hatiye dan bi encamdana lêkolînan û dûvçûna dadwerî ligel berpirsyarên tirsnaktirîn tawankariyên li Sûriyê. Jêder: Nivîsîngeha Ragihandina Hevbendiya Niştimanî
