Di bîranîna destpêkirina şoreşa Sûriyê de, duh Rêkxistina Lêborîna Navdewletî daxwaz ji civaka navdewletî kir ko bi berpirsiyariyên xwe rabe û bilez tevbigere ji bo derdê milonên Sûriyan bidawî bike.
Birêvebera lêkolînên rojhelata navîn ya rêkxistinê Lîn Me’lûf daxwaz kir ko rê bête girtin li ber binpêkirinên xwînrijî ji hêla rêjîma Esed û milîtanên wî dijî sivîlên Xûta rojhelat li gundewarê Şamê.
Me’lûf got ku sersariya bobeletî ya civaka navdewletî ya ku bêçare ma derbarê parastina gelê Sûriyê, hişt ku rêjîm tawankariyên cengê û tawankariyên lidijî mirovahiyê pêk bîne.
Me’lûf got ku nêzî 400.000 mirovî di dorpêçeke tengav û neyasayî de dijîn, û beraberiya mirina ji birçîna dikin, û dikevin ber bombebarana bêserûber ji hêla milîtanên rêjîmê û Rûsya.
Me’lûf destnîşan kir ko sizanekirina tewankaran li Sûriyê bû sedem ko derdê sivîlên Sûrî yên dorpêçkirî bêtir bibe, û got: “em sal bi sal tê digihêjin ku em şaş bûn”.
Netewên yekgirtî pêncşembê ragehand ko rêjîma Esed û milîtanên wê tawankariyên cengê li welat pêk anîne, di herdu heyvên borî de 600 sivîl kuştine, û bêtir got ko ew tawankariyên lidijî mirovîniyê û tawankariyên cengê ne.
Komîta navnetewî bo naskirina rastiyan li Sûriyê di raporta xwe de got ku hêzên rêjîmê û milîtanên pêre alîkar zorbazîiya sêksî û cûreyine din ji tundûtûjiya cinsî pêk tînin dema digirin ser malan ji bo lêgerînê bikin.
Rêkxistina lêborîna navdewletî binpêkirinên li Sûriyê ji sala 2011ê ve çêbûne belgeh kirine, û behsa rewşa kesên ko hatine veşartin di zindanên rêjîmê de û tiştê li Xûta rojhelat ya ji çend salan ve dorpêçkirî ye kir.
Jêder: Nivîsgeha ragehandina ya Hevbendiya Niştimanî/Acans
