Serokê Tirkiyê Receb Tayib Eroxan got:” Em çarenivîsa penaberên Sûriyê nahêlin di destê Esedê tawankar yê ku terora dewletê bikar tîne”, û got:” me helwestek wek piransîb li hember sercem rêxistinên terorîst standiye, û cudahiyê naxin di navbera wan de û nabêjin ev baş e û ev nebaşe, me heman helwest li hember Daiş jî standiye”. Ji aliyê xwe ve Loran Fabiyos wezîrê derve yê firensa got:” Nabe em helbijartinê bikin di navbera hovîtiya Daiş û hovîtiya Esed de, pêwîste em piştgiriya artêşa azad bi xurtayî bikin di dijberiya Daiş de”. Hêjaye ku duhî hevbendiya niştimanî di daxuyaniyekê de li ser zarê berdevkê xwe Salim Elmislit hewlên tirkiyê bo sepandina navçeyeka parastî ya ku Firensa jî piştgiriya wê dike bibilind nirxand, û ev hewl wek çirûska hêviyê dazanîn û dibe ku roleke giring bilehîze û rê li pêş rêjîma Esed bigire bo nema karibe çekên xwe yên herî wêranker bikar bîne”. Herwiha di heman daxuyaniyê de hat:” ku ji bilî avakirina navçeyeka parastî hîç riyeka dîtir nabînin bo parastina Sivîlan di tevaye Sûriyê de ji bermîlên teqîner yên rêjîma Esed li ser sivîlan dibarîne”. û di kongirekî rojnamevanî de Loran Fabiyos ligel hevkûfê xwe yê tirkî soza rawestandina pêşveçûna Daişê da, bi hevkariya hevlbendên Firensa, û ragihand ku” Parîs wê hevkariya lojistîk û agahdarî di navbera Hewlageriya Tirkî û firensî de zêdetir bike, bo rê li Firensî û ewropiyên Daişê geş dikin bigire”. Ji aliyê xwe wezîrê derve yê Tirkiyê Cawîş Oxlo, yê serdana Firensa dike got:” derbeyên asmanî bitenê têra rawestandina Daişê nakin, pêwîste em di çarçoveya stratîjiyeka hevbeş de bixebitin “, û got:” rêjîma Esed ji Daiş metirsîdartir e, û li Sûriyê pêdivî bi guhertink Siyasî heye “, wek destnîşankirinek bi pêwîstiya avakirina navçeyeka parastî li ser sinor. Hêjayî gotinê ye ku Nesir Elherîrî sekertêrê Hevbendiya niştimanî di daxuyaniyekê de got ku:” daxwaza Sûriyan ne bi tenê avakirina navçeyeka parastî ye, herwiha daxwaza wan ew e êrîşên asmanî jî bêne qedexekirin, ku firokên Esed rojane bidehan welatiyên Sûriyê dikujin, û avakirina navçeyeka parastî bitenê pilaneke çareseriyeke lezgîne bo parastina welatiyan ji bermîlên teqîner û firokên Esed, lê qedexekirina asmanî ew ya giring e û pilaneke parastinê ye bo rawestandina koçberiya welatiyan ji navçeyên xwe yên ku rojane rastî êrîşên firok û bermîlên Esed tên”, û Elherîrî da xuyakirin ku:” herdu babet- Navçeya parastî û qedexekirina asmanî- du manşêtên serekî bo qonaxa hewla rûxandina rêjîma Esed û avakirina dewleta dad û yasayê ne”.
Jêder: Hevbendî + Wekalat
