Netewên Yekbûyî ragihand ku bêrtir ji 38 hezar sivîlî li bakur-rojavayê sûriyê di 5 rojan de derbider bûn, ji encama êrîşên asîmanî yên himbiz ên rijêma Esed û sponserê wê yê rûsî.
Û axêverê bi navê Ofîsa Netewên Yekbûyî ya Hevrêzkirina Karûbarê Mirovahî (OCHA) , Daved Swanson, di daxwiyaniyeke xwe de, doh înê, got ku“ di dema di navbera 15 û 19ê vê heyva kanûna paşîn de, bêtir ji 38 hezar sivîlî , bi taybet ji deverên rojavayê Helebê, ber bi deverin din ên parêzgehê yan ber bi bajarê Idlibê de derbider bûn, û tekez kir ku agahiyên rojane digihên wan derbarê bombebarana asîmanî an jî ya topxaneyan li ser deverê.
Ji hêla xwe ve, Misti Boswel, ya berpirsyar di “ Komîteya Navdewletî ya Xaça Sor” de, amaje kir ku gurkirina şer ya dawî derî li pêş eniyeke nû ya metirsîdar vekir”.
Û diyar kir ku rewşa kampên ku sivîl berê xwe didinê, “tijî ne, û xizmetên tenduristî lê nema ne, û piraniya derbideran di konên rizî de yên tijî yên ava baranê daye bin wan de dijîn”, piştî ku rijêma Esed û Rûsiyê êrîşên xwe li ser gundewarê Helebê yên başûr û yên rojava di rojên bûrî de pir kirine”.
Û ajansa Anadol wêneyên derbiderên sûrî yên cihê xwe li ser hesinê riya tirênê danîne, piştî ku kampên bakurê Sûriyê ji ber êrîşên rijêmê û Rûsiyê û milîsên mezhebî yên îranî mişt penaber bûne, belav kirin, û bêhtir ji 200 malbatên derbider koçên xwe danîn ser riya tirênê ya ku berê herdû bajarên Heleb û Laziqiyê pev girêdidan.
Jêder: Ofîsa Ragihandinê ya Hevbendiya Niştimanî ya Sûrî