Li gor rojnameya “Dêylî têlîgraf” ya Birêtanî; NY li ser avêtina alîkariyên xwarinê bo bajar û navçeyên dorpêçkirî bê bendewariya erêkirina rêjîma Esed pesend kir.
Ku balyoza Amerîka di NY de Samînsa Pawer, di civîna Encûmena Ewlekariyê ya dawiyê de ya derbarê Sûriyê, amaje kiribû li ser dorpêçkirina rêjîmê ji 12 navçeyan re, û gotibû: “Xemsariya rêjîma Esed hat xuyakirin bi rêka wan wêneyên diltezên ku bi kêmayî 35 kes ji birçîna mirine her ji destpêka heyva çile ve”.
Pawer tekez kiribû ku pêwîst e rêjîma Esed pabend be bi erkên xwe ligor yasaya mirovî ya navdewletî, û bilez rê li pêş gihandina alîkariyên mirovî bêmerc û astengî bo tevaya xelkê pêwîstdar veke, û bal kişandibû ku pêwîste NY û dezgehên hawarçûna navdewletî qebûl nekin li ser gihandina alîkariyan bi awayekî ne berdewam.
Herwiha duhî bi rêka nameyekê bo hikûmeta Birêtaniya, şûnkarê karubarên mirovî yê NY, Stîven Olbirayin gotibû “divê em kar ligor pêwîstiya mirovî ya bilez bikin, û herwiha em mukur bên bi têkşikestinan danustandinên ji heyamê çar salan ve der bare gihandina alîkariyên mirovî bo navçeyên dorpêçkirî”.
Olbirayin şîret kiribû ku “pêwîst e hemû bijarde li ser masryê bêne danîn ji bona dîtina rêyekê bo şikandina dorpêçkirinê”, û ligor heman rojnameyê diyar dibe ku name wek bersivdanekê bû li ser pirsa Cosîn Cirînîng wezîrê geşepêdana navdewletî der barê lênîrîna wê sebaret “şiyanên bikaranîna şêweyê esmanî bo avêtina alîkariyan”, ku bersiva Olbirayinê diyar bû ku avêtina alîkariyan pêdivî bi erêkirina Esed nîne.
Têzanîn ku berî demekê hin çalakvanên Birêtanî hilmeteke komkirina amzeyan ragihandibûn bi armanca komkirina 100hezar imzeyî, û şandina wan wek nameyek bîranînê bo Hikûmetê bo avêtina alîkariyan bo bajarokê Medaya yê dorpêçkirî.
Herwiha rêberê berê yê Partiya Lêbîral lord Adoşîn, û Co kokis cêgira Partiya Karkeran, name ji hikûmeta Birêtaniya re şandibûn, li ser giringiya avêtina alîkariyan ji xelkên dorpêçkirî re, û dabûn zanîn ku “hin pêgavên bilez hene em karin bikar bînin da em nehêlin sivîl ji ber birçîbûnê bimirin, em nikarin rûnên û li tiştê dibe temaşe bikin.”.
Hêjayê gotinê ye ku Hevbendiya Niştimanî ya hêzên şoreş û rikberiya Sûriyê bi fermî daxwaz ji Amerîka kiribû bo avêtina alîkariyên mirovî bo dorpêçkiriyên Medaya û Zebedanê û Me’edemiyê û Dêrazorê û tevaya navçeyên dorpêçkirî, herwiha tekez kiribû ku pêwîste civaka navdewletî li hember tawanên berdewam yên mîlîşên Hesen Nisurlah û Bişar Esed li dijî gelê Sûriyê helwestek vebir bistîne.
Jêder: Hevbendî + Wekalat
