Raportine rojnamevanî yên rojavayî aşkere kirin ko çekên Rûsî yê asmanî nexweşxane û xalên bijîşkî bi mebest di operasiyonên bakurê Sûriyê yên li gel hêzên rêjîma Esed bombebaran kirine.
Rojnameya New York Times ya Emerîkî, duh di vekolîneke xwe de, anî ziman ko wê tomarkirina têkiliyine telefonî yên çekên asmanî yên Rûsî di dema bombebarana bargehên bijîşkî de bidest xistine, di riya vekirina bi hezaran şîfreyên pêlên radyo yên hêzên Rûsî re.
Rojnameyê got ku firokên Rûsya di heyva gulana îsal de çar nexweşxane li herêmên derveyî kontrola rêjîmê, ji wan jî nexweşxana Nebid Elheyat li li bajarokê Has li gundewarê Idlib yê başûr, ya 5 gulana bûrî bombebaran kirine.
Rojname di di vekolîna xwe de dibîne ko dîdevaniya bi çav ji hêla hin kes û karmendên çavdêriya tevgera asmanî ya firokên cengê û tomarên dengî yên çekên asmanî yên Rûsî tekez dikin ko kapîtanên Rûsî ew êrîş kirine.
Rojnameyê tekez kir ko wê gelek nîşan derbarê ravekirina teqînên nexweşxaneyan yên di 5 û 6ê gulana bûrî de çêbûne bi dest xistine, û dengê kapîtanên Rûs bo bombebarankirina herçar nexweşxaneyan tekez kirine.
Vîdyoya bi vekolînê re, diyar kir ko bombebarana Rûsî li ser bakurê Sûriyê bi taybetî li ser Idlib bû, û hin jê li navbera Hums û Laziqiyê bû, û bal kêşand ko firokên Rûsî bi şêweyekî himbiz nexweşxaneyên bakurê Sûriyê bombebaran kirine, ji bo opozisyona mayî têk bide, û piştgiriya rêjîma Esed bike, li gor salixdana rojnameyê.
Berê jî rojnameyin rojavayî, Netewên Yekgirtî tawanbar kir ko zanyariyan li ser xalên bijîşkî û semta nexweşxanan û ya rêkxistinên nefermî yên li Idlibê kar dikin dide rêjîmê û Rûsya.
Hevbendiya Niştimanî ya Hêzên Şoreşê û Rikberiya Sûriyê got ku ziyana dijminkariya Rûsya li Sûriyê ne tenê bombebarana bargehên bijîşkî û dibistan û cihên tije xelk e, belê têwerdana wê rewş aloztir kir û qebareya tawanên derheqê sivîlan mezintir kirin.
Jêder: Ofêsa Ragehandinê ya Hevbendiya Niştimanî
