Serokê Emirikî Barak Obama got rêbaza Rûsya û Iranê di piştgiriya rejîma Esed de” Bi serneket û bi sernakeve” , destnîşan kir ku tu nêzîkayî di navbera welatê wî û Rûsyayê de derbarê Sûryayê de tune ye, û hişyarî da Mosko ku ew nikare bi avêtina bumbeyan bigihêje tu çareyên aştiyane.
Di kongireke rojnamegerî yê hevbeş de bi seroka Kûrya Bakurî Barak Gwîn Hay de di roja înê de li Koçka Spî Obama anî ziman ku; welatê wî baweriyê tîne ku çareserî di gihiştina çareyeke siyasî û hikûmeteke rewa û giştî de ye. Herweha anî ziman ku hêviya wî di çareseriya siyasî de heye eger gotubêj di navbera aliyên eleqedar de pêş bikevin û Rûs dest ji bumbekirina riya çareya aştiyane di hindirê Sûryayê de berdin.
Ji hêla xwe ve Wezîrê Karê Derve Con Kêrî di gotina xwe de li zankoya Indyana derbarê siyaseta derve a Emirikî diyar kir ku Waşinton ji Mosko re diyar kir ku hewldana parastina Esed û rejîma wî a kujer xwekuştin e, û li gor xuya dike Mosko dixwaze vê yekê bike, herweha Emirikiyan di bîra Rûsyan de anî ku ev tiştê dibe ji ber şerê Esed dijî xwepêşandanên ciwanan ê dijî wî di pêla Buhara Erebî de derketin ku şebîheyên xwe şandin bo li wan bidin, û dema ku welatiyan awayên danûstendinê bi zarokê xwe re qebûl nekirin û hewla parastina wan kirin, rejîma Esed wê demê bi devê tivingan bersiv da.
Kêrî tekez kir ku Esed dema ku çareserî bi tundûtûjiyê dît, guhertina aştiyane kir nemumkin, û wisa rê vekir ta rêxistina Daişê derkeve holê, û bal kişand ku rastî ew e ku Esed û Daiş hevdû geş dikin ji ber hovanîtiya her yekî ji wan dihêle yên belengaz û hejar xwe bavêjin hembêza yê dî.
Serokê Hevbendiya Niştimanî Sûrî Xaid Xoce tekez kir ku axavtina Rûsî di destwerdana wê bo şerê Daişê ji cîhanê re diyar e ku ew tenê mîna nixumandinekê bo hewldana dirêjkirina temenê rejîmeke nerewa ye, hemû cureyên tawanan dijî milletê Sûrî bikar anî, herweha hemû çek di tersana xwe de bikar anîn, tev wilo jî di şikandina vîna milletê Sûrî de bi destxistina azadî û rûmetê de têk çû, bal kişand ku rejîma Esed niha tenê dest datîye ser 14% ji xaka Sûrî, û wek ku dagîrkerên Iranî û Milişiyên regezperest ew neparastin, herweha wê dagîrkerên Rûsî nikaribin alîkariya wî bikin û wê çarenûsa wan têkçûn be.
Jêder: Hevbendî
