Îro Yekşemê 18-10-2015an li ofîsa Partiya Yekîtî li bajarê Qamişlo, Peymangeha Geşepêdana Dîmoqrasiyê ya navanda wê li Londonê ye DPI, li gel serkirdayetiya Encumana Niştimanî Ya Kurd Li Sûrî ENKS hevdîtinek pêk anî.
ji bo zaniyariyên zêdetir li ser vê hevdîtinê Fesla Yûsif Çêgira serokê ENKS ji malpera Hevbendiyê re got: ” ev cara çara ye em li gel vê peymangehê dicivin, mebesta wan ew e ku nakokiyên di navbera ENKS û Tevgera Civaka Dîmuqrat (TEV-DEM) de çareser bikin, çimkî rêxistina dewleta Islamî (DAIŞ) gef û fişaran li herêma kurdî dike” .
Yûsif di daxuyaniya xwe de diyar kir ku wan ji nûnerên peymangehê re daxwazên xwe dubare kirin, bi pêwistiya rawestandina kiryar û biryarên rêveberiya xweser, mîna Leşkeriya Neçar û rêbazên xwendinê û destdanîna li ser mal û milkên weltiyan, da ku karibin vegerin giftûgo û diyalokê bi hev re.
Çêgira serokê ENKS balkişand ku wan ji nûnerên peymangehê re diyar kirine ku derbasbûa pêşmergeyan jî yek ji mercên ENKS ye da ku bi TEV-DEMê re rêkeftinan emze bikin.
Di heman demê de Yûsif got” me Peymangeh agehdar kir ku di sê rêkeftinên me û TEV-DEM ên bûrî de, yên bi serpereştiya Mesûd Barzanî serokê herêma Kurdistana Iraqê, em pabend bûn bi tiştên ku me li ser wan li hev dikir, lê TEV-DEM pabendî bi biryarên wan rêkeftinan nekir”.
Lê nûnerên Peymangeha Geşepêdana Dîmuqrasiyê ya li London DPI tu daxuyanî nedan alavên ragihandinê.
Hêjayî gotinê ye ku Ji aliyê peymangehê ve ( Conasêl Rayinz – Pîter Karpirês – Kerîm Yeldez) beşdar bibûn, û ji hêla ENKS ve ( Ibrahîm Biro- Tahir Sifok- Fesla Yûsif- Mehmûd Mele- Fêsel Yûsif- Ne’imet Dawûd) beşdar bibûn.
Jêder: Hevbendî
