Ji aliyê hin parêzerên Brîtanyayê gilînameyeke dadwerî li dijî rejîma Esed li ser navê hin penaberên Sûrî ji bo dadgeha Tawanên Navnetewî (ICC) li bajarê “Lahay” derbarê tawanên dijemirov li salên borî li Sûriyê hat pêşkêşkirin.
Ev daxwazname ji hêla kompaniya “Stock White” ya mafên mirovan, duhî li roja pêncşemê bi navê 28 penaberên Sûrî yên ji zordariya rêjîmê reviyane û li kampên Urdinê dijîn hat pêşkêşkirin.
Parêzerên hatine erkdarkirin bi bilindkirina vê doza dadwerî piştrast kirin ku qurbanî rastî êrîşên bi çek û bombeyan, girtin û îşkenceyê hatine, û ew şahid bûn li ser gelek binpêkirinên mezin û komkujiyan li welêt.
Parêzer Rodney Dickson, bi riya kongirekî rojnamevanî got ku Dadgeha Tawanên Navnetewî (ICC) heye ji bo misogerkirina dadweriyê ji qurbaniyên tûşî tawanên navdewletî yên hovane bûne.
Dexon got ku ev doza dadwerî dibe xaleke guhertinê ya resteqîn sebaret qurbaniyên Sûrî, û bal kişand li ser berdewamiya tawanan li Sûriyê ji çend salan ve bêyî ku tawankarek li ser pêkanîna bi hezaran êrîşên li dijî sivîlan bê sizakirin.
Parêzeran gilînameyên xwe pêşkêş kirine li gora mekanîzmeke berê ku ji hêla penaberên kêmnetewa “Rohingya” ya Musliman yên li Bangladeş bo dadgeha tawanên navnetewî hatibû pêşkêşkirin, û dîtin ku prensîpa wê ya yasayî wek heman doza li dijî rejîma Beşar Esed e.
Kompaniya “Stock White” nûnertiya 1183 penaberên Sûrî li Tirkiyê û hin dewletên din dike, û hewl dide ji bo belgeyên ji van penaberan werdigire li dijî rejîma Esed bikar bîne, ji bo piştrastkirina pêkanîna êrîşên mezin li dijî welatiyên sivîl.
Herwiha ku navenda “Guernica” ya dadperweriya navdewletî, ji berî çend rojan, yadeştnameyek ji dadgeha tawanên navnetewî re pêşkêş kiribû, û têde daxwaza sizadana rejîma Esed kiribû, li ser kiryarên koçberkirina bi darê zorê ya derheqa zêdetir ji milyonek kesên ber bi Urdinê reviyane pêk hatiye, û bal kişandibû ku Oman dikare dozgeriyekê lidar bixe ji ber ku ew beşek ji “Sîstema Roma” ye.
Toby Kadman, hevserokê navenda Guernica, gotibû ku derfeteke mezin heye ji bo pejirandina wê yadeştnameyê ji aliyê dadgeha navnetewî, û tekez kiribû ku “yadeştname li dijî fermandariya rejîmê û hêzên wê yên çekdar û ewlekariya wê û organên hewalgeriya leşkerî hatiye pêşkêşkirin”, û daxwaz kiribû ku divê berpirsyariya dawiyê bikeve stûyê serokê rejîmê Bişar Esed de.
Jêder: Ofîsa Ragihandina Hevbendiya Niştimanî ya Sûriyê