Firakisyona perlemanî ya partiya Kombenda Niştimanî ya Çaksazî û Geşepêdanê li perlemanê Morîtanî, daxwaz kir ji “miletê Ereb û cîhana Îslamî ko ji bo Helebê tevgereke kartêker bikin tako kuştarên Esed û Rûsya û milîtanên Îranî li Sûriyê rawestînin. ”
Firakisyonê doh di daxuyaniya xwe de got: “bêdengiya rêkxistinên Erebî û Îslamî, û bêhelwestiya piraniya rêjîmên Erebî û Îslamî û sernixuziya wan bi rêjîma kujer re der barê tiştên ko bi serê niştecihên Helebê dike şermezar kirin.”
Her weha partiya Yekîtî û Guherînê ya Morîtanî daxwaz kir ko “balyozxaneyên rêjîmên tawankar li Morîtanya bigirin, û balyozên rêjîma Esed û Îran û Rûsya biqewitînin, wek piçûktirîn piştgirî bi xelkên Helebê re”. partiyê bêtir got: “bajarê Helebê bûye kavil ji ber bermîlên teqîner û bombebarana berdewam ya ko rêjîma tawankar û hevalbendên wê dikin, û di serî de rêjîma kîndar li Îranê û rêjîma kuştin û tawankariyê bi serpereştiya tawankar Potîn”.
Partiya Yekîtî û Guherînê daxwaz ji “hemû hêzên gelêrî û yên siyasî yên Morîtanî kir, tako çalakiyên piştgiriyê bo xelkên Helebê bikin, her weha ji bo tevaya miletê Sûrî yê têkoşer yê di rûyê stem û zordariyê de rabûye.”
Jêder: Elquds Elerebî+Nivîsgeha Ragihandinê ya Hevbendiya Niştimanî