Komeleya giştî ya NY wê sibe roja çarşemê dengdanê bike li ser pirojebiryarekî ji bo pirotestokirina tawanên şer yên li Sûriyê dibin, tevlî damezrandina mîkanizmeka navdewletî ya bêalî û serbixwe, û têde daxwaz ji dewlet û aliyên pêwendîdar dike ji bona hevkar bin ligel mîkanizma lêkolînê ya li ser tawanên hatîn encamdan bi destê hêzên Rijêmê û milîsên wê li seranserî Sûriyê.
Ev pirojebiryar ji aliyê Qeter û dewleta “Lîxtin Ştayin” û bi piştgiriya çend dewletên Ereban û rojavayî hatiye pêşkêşkirin, û ji sikirtêrê giştî daxwaza danîna lêvegerên dadgehkirin û lêpirsînê dike û herwiha pêşkêşkirina ropartekê li ser cêbicêkirina biryarê di heyamê 45 rojan de piştî pesindkirinê.
Û di cîvîna encûmenê de ya li ser dewaza Qeter û li ser astê nûnerên hertimî hatî lidarxistin, dît ku tişta li Helebê û li bajarên din li Sûriyê dibe, li ser destê rijêma Esed û hevalbendên wê, bi xwe tawanên şer in û binpêkirinên eşkere ne li ser yasa navdewletî û yasa navdewletî ya mirovî û li ser herçar rêkeftinên Jinêvê ne.
Encûmena asayîşê duhî roja dûşemê û di heman çarçoveyê de biryar da bo şandina çavdêrên navdewletî bo çavdêriya raguhestinê bikin li rojhilatê Helebê yê dorpêçkirî ji aliyê rijêmê û milîsên wê ve, yên ku bi kospkirina karên raguhestinê zêdetir ji carekî radibin.
Biryar daxwaza çavdêriya rewşê ji NY û ji dezgehên din yên pêwebdîdar dike, ku yekser rabin bi çavdêrîkirina karên raguhestinê yên di taxên rojhilatê Helebê de dibin, yên bêhtir ji sê heyvan ve dikevin di bin dopêçek asê de ji aliyê hêzên Rijêmê û milîsên wê ve.
Hêjayê gotinê ye ku sikirtêrê giştî yê Hevbendiya Niştimanî ya hêzên şoreş û rikberiya Sûriyê Ebdulîlah Fehid, çext li ser giringiya têkiliyan ligel rêxistinên xwecihî û navdewletî kiribû, ji bona sivikirina azarên koçberan yên bi kotekî tên koçberkirin, û herwiha ji bo rawestina li ser pêdewîstiyên rewşa bobilatî ya xelkê bajarê Helebê.
Ji aliyê xwe ve, komkara Erebî ji civaka navdewletî daxwaza xistina fişaran li ser rijêma Esed kiribû, ji bo vekirina kirîdorên mirovî yên aram bo hawarçûna sivîlên dorpêçkirî yên bajarê Helebê, yên rastî dirindetirîn êrîşê dibin ji aliyê Rijêmê û firokên Rûsiya û sercem milîsên mezhebperist.
Jêder: Nivîsîngeha Ragihandina Hevbendiya Niştimanî / Wekalat