Li gor daxuyaniyên hin diblomatkarên rojavayî, Amerîka pirpojeyê biryarekê di encûmena ewlekariyê de amade kiriye, bo pirotistokirina bikaranîna gaza kilorê li Sûriyê, û diblomatkarekî da xuyakirin ku niha gotûbêj berdewam in bi herçar dewletên din de yên herdem endam in di encûmenê de: Birêtaniya û Firensa û Rûsiya û Çîn.
Heman diblomatkarî got, Rûsiya “Diyar bû ku amade ye bo derxistina daxuyaniyeka serokayetî derbarê qedexekirina bikaranîna gaza kilorê ji ber ku çekekî qedexekirî ye”. û got: “ku bikaranîna bermîlên teqîner yasaya mirovahiya navnetewî binpê dike, ji ber ku ev çek nikare cudahiyê bike di navbera armancên leşkerî û navçeyên nişteciyên sivîlan de”.
Herwiha biryar e ku îro Encûmena Asayîşê wê guhdariyê bike derbarê pabendiya aliyan bi cêbicêkirina biryara 2139.
Hêjayî gotinê ye ku komîteya dûvçûna rastiyan ya pêwendîdar bikaranîna çekên kêmyawî li Sûriyê, di nûtirîn raporta xwe de, berpirsyariya bikaranîna gaza kilorê li dijî sê gundên bakurê Sûriyê û şehîdbûna 13 kesan di navbera heyva nîsan û tebaxa sala par de, xist di stûyê rêjîma Esed de.
Hêjaye ku raportê palpiştî kir bi dîtina 32 kesan ji 37 kesan yên hevdîtin bi wan re hatibû kirin, ku bi çavê xwe dîtibûn yan bi guhê xwe dengê hilîkopteran bihîstin dema êrîş bi bermîlên teqîner yên bi keresteyên jehrîn barkirî hatin pêkanîn, ku bi şêweyekî eşkere berpirsyariyê têxe stûyê rêjîma Esed, ji ber ku ew çek û alav di dest rêjîmê bitenê de hene.
Ji aliyê xwe ve serokê berê yê Hevbendiya Niştimanî û endamê desteya siyasî Hadî Elbehra bi erênî pêşwazî li biryara Encûmena cêbicêkar ya Rêxistinê kir bi şermezarkirina bikaranîna gaza kilorê li dijî sivîlan ji aliyê rêjîma Esed, û di heman demê de rola nerênî ya rêjîma Iranê rexne kir li ser rêgirî li derxistina wek van raoprtan û herwiha piştgiriya wê ya berdewam ji kuştin û wêrankirinê re li Sûriyê .
Herwiha Hadî Elbehra daxwaznameyek şand ji rêveberê giştî yê Rêxistina qedexekirina çekên kêmyawî re, û têde daxwaza raguhestina raporta komîta dûvçûna rastiyan bo Encûmena Asayîşê kir, bo sizakirina li ser bikaranina gaza kilorê û herwiha bo selmandina şanda navnetewî bo bidawîkirina erkê xwe di helweşandin û têkbirina karsaziyên kîmyawî yên rêjîma Esed. Jêder: Hevbendî+ Elnehar
