Berdevkê Koçka Spî Coş Irnist got, tiştê li Meddaya dorpêçkirî çê dibe “dihêle dilê mirov bixele” û Berdevkê Wezareta Derve ya Emerîkî Con Kêrî doz li Rûsya kir ko fişarê bide ser Esed da bihêle bilez bê astengî alîkarî ji bo kesên dorpêçkirî derbas bibin.
Wezîrê derve yê Qeterê Xalid Eletiya got: “berdewamiya Rêjîma Esed û hevalbendên wî di siyaseta birçîkirinê de li ser herêmên dorpêçkirî li dijî mirovahiyê tawankariyeke cengê ye.”
Eletiya di nameyekê ji bo Encûmena Ewlekariyê û Netewên Yekbûyî hêvî kir ko pêrabûn bibin ji bo dabînkirina gihandina alîkariyên mirovî û bi awayekî rêkxistî û yekser ji bo sivîlên li Meddaya û Herêmên dî yên dorpêçkirî .
Di nameyê de hat “Rêjîma Esed û hevalbendên wî dorpêçkirinê wek siyaseteke rêbazkirî li dijî sivîlan mîna çekekî bikar tînin da nehêlin xwarin û pêdiviyên bijîşkî bigihên miletê Sûrî û wan bi tevayî siza dikin û dorpêçê li ser herêmên niştecihan wek li taxên Humis û Xûta Rojhilat û bajarên Dareyya û Me’edemiyê li Gundewarê Şamê û cihên din bikar tînin. ”
Eletiya bêtir got: “Li Meddaya hêzên Rêjîmê û bi piştgiriya milîtanên hevalbendên wî dorpêçkirineke leşkerî li dora bajêr danîne, da miletê wê têxin navbera du bijardeyan, an serê xwe ji Rêjîma kujer re deynin anjî ew dê wan ji birçîna bikuje.”
Jêder: Acans
