Komîta guhastin û çûnûhatinê di Berlemanê Efganistanê diyar kir ko dezgeha “Aryana” ya firokên sivîl li Efganistanê, Firokek xwe bi kirê dane dezgeheke Îranî ya bi ser Pasvanên Şoreşger yên Îranî ve, bi amanca ku Rêwiyan ji bajarê Kabûl yê Efganî heta bajarê Meşhed yê Îranî û berevajî biguhêzin. Lê ji mehekê ve şervanên rûgirtî ji Îran û Îraqê bi bal Sûriyê ve diguhêzin.
Serokê Komîtê Qeys Hesen tekez kir ko belge li bal wî hene ko dezgeha Îranî “Mahan Sibehir” Firokek kirê kiriye da şervanên rûgirtî ji Îran û Îraqê bibin Sûriyê, û bi rastî jî meha buhurî çend caran şervan ji Îraqê ber bi Îranê ve birin.
Berpirsiyarê Efganî got, Tîma pîlotên Firokê dibêjin ku Desthilatdarên Îranî derfetê nadin ko em siwaran bibînin an pirsa wan bikin.
kenaleke Îranî filmek belgehî ji herêmên ko Rêjîma Esed desthilatiyê li wan dike belav kiribû, û ev pêngav hêj nebûye ku hejmarek ji Şervanên regezên wan cuda li Sûriyê parastina ziyaretgahên olî dikin.
Film tekez dike ko Efserên Îranî desthilatiyê li hemû dezgehên serpereştiya Artêşa Sûrî dikin, û têwirdana wan di cenga komkujiyê ya ko rêjîm li dijî gelê Sûriyê serpereştiya wê dike. Her wiha tekez dike ko rêjîm bûye komekêm çeteyan û rêjîma Îranê ew desthilatdariyê li wan dike.
Berê jî serokê Hevbendiya Niştimanî Xalid Xoce tekez kiriye ko “Şoreşa Sûriyê ji Şoreşa li dijî zordariyê ber bi Şoreşa rizgarkirinê ji dagîrkerên Îranî ve hatiye guherandin. Em ne tenê berevaniya Sûriyê û Gelê wê dikin, belê Gelê Sûriyê berevaniya Rûmeta neteweyê bi giştî dike. ”
serokê Hevbendiyê got, tevli astengî beraberiyan: “Em li ser sê aniyan li dijî Daiş, Rêjîma Esed û Rêjîma Îranî şer dikin.” Tekez kir ko giring e em yek rêz û deng bin li dijî wan heta em serkeftinê misoger bikin.
Her wiha Cîgirê Serokê Hevbendiya Niştimanî Hişam Merwa doz”ji Encûmena Ewlekariyê kir ko biryarekê derxîne da Rêjîma Îranî neçar bike da hêzên xwe ji xaka Sûriyê vekêşîne.” Tekez kir “ne mumkine ko asoyên çareseriya siyasî li Sûriyê vebe heta ko dagîrkerên Îranî û çeteyên mezhebperest yên bi ser wan ve li ser xaka me bin.”
Hevbendî+Rojnameya “Tirkiya”
