Koma kar ji bo Filestîniyên Sûriyê, rêkxistineke mafnasiyê ya nefermî ye, ragihand ko bêtir ji 3 hezar û 613 penaberên Filestînî li Sûriyê ji sala 2011ê ve hatine kuştin, 463 jin di nav wan de hene.
Raportê diyar kir ko bêtir ji 204 penaberên Filestînî bi sedema kêmxwarinî û nebûna guhdana bijîşkî, piraniya wan li kampa Yermûk a başûrê rojhilatê Şamê hatine kuştin, bi sedema ku rêjîma Esed herêm dorpêç kiriye.
Komê di raporta xwe de bêtir got ko hêj 1643 Filestînî li şaxên ewlehî û asayişa rêjîma Esed girtî ne, 105 ji wan jin in.
Komê destnîşan kir ku li dora 86hezar penaberên Filestînî sala 2016ê gihane Ewropa, û dora 31 hezarî gihane xaka Libnanê.
Komê di raporta xwe de got ko 17hezar penaberên Filestînî reviyane Urdunê, û 8 hezar Tirkiyê, û 6hezar çûne Misrê, û dora hezar penaberên Filestînî ji Sûriyê gihane herêma Xeza.
Di raportê de hatiye ko bi hezaran Filestînî neçar mane û dev ji malên xwe yên li kampên Sûriyê berdane û ber bi derve de koçber bûne.
Li gora texmînên Netewên Yekgirtî dora 450hezar penaberên Filestînî hêj li Sûriyê dijîn, 95% ji wan pêdiviya wan bi alîkariyên mirovî heye.
Koma kar ji bo Filestîniyên Sûriyê, binpêkirinên ko Filestînî li Sûriyê dibînin tomar û belgeh dike, koma kar ya li London ye, sala 2012ê bi destpêşxeriyeke komek ji kesayetiyên Filestînî û Erebî hate damezirandin.
Jêder: Nivîsgeha Ragihandinê ya Hevbendiya Niştimanî
