Rêxistina Koçberiya Navdewletî hişyarî da li ser koçbarkirina milyon welatiyên sûrî ji Sûriyê di demek nêzîk de hevdem li jêr sîbera nedîtina çareseriyek siyasî di Sûriyê de.
Berdevkê Rêxistinê “Ciwêl Mîlman” got ku 6.3 milyon kes di hindur Sûriya de koçber bûn, herwiha ku 4 milyon kesên din penaberin li welatên cîran, û tekez kir ku hîç nîşanderek nîne li ser nêzîkbûna bidawîkirina kuştinê û kiryarên tundutîjiyê di Sûriya de li mawdewekî kurt de, lewra pêwîst e ku xwe amade bikin bo xirabtirîn sînariyo hevdem ligel nêzîkbûna werzê zivistanê, ku bikêmayî egera koçbarkirina milyon welatî ji Sûriyê heye”.
Ji aliyê xwe ve, berdevkê komisyona bilind ya Netewên Yekgirtî bo karubarên penaberan, “Adriyan Îdwardiz” amaje kir ku komisyon berdewamiya pêlên koçberiyê di hindur Sûriya de dibîne, û weha jî got “li Sûriyê pêdiviya gelek kesan bi alîkariyê heye, û di dema ku alîkariya wan nebe wê neçar bibin ku cihên xwe biguherînin, û li dawiyê wê welatê xwe bicih bihêlin”.
Ligor pêdanên Nivîsîngeha Netewên Yekgirtî ya hemahengiya karubarên mirovî, hejmara Sûriyan yên pêwîstîdar bi alîkariyên mirovî gihiştiye 13.5 milyon sûrî.
Hêjayî gotinê ye ku Serokê Hevbendiya Niştimanî ya hêzên Şoreş û rikberiya Sûriyê Xalid Xoca tekez kiribû ku dagîrkariya Rûsiya li ser Sûriyê “dibe hokarê neseqamgeriya deverê û gefan li ewlehiya navçeyê û ya cîhanê dixwe”.
Xoca hevdem cext li ser dirustkirina navçeyên aram li bakur û başûrê Welat kiribû û dabû zanîn ku ew navçe yên gelek Sûriyan biparêze ji bermîlên teqîner û ji firokên rêjîma Esed , herwiha wê pêla koçberiyê û penaberiyê bo derveyî welat sînordar bike.
Xoca berdewam kir: navçeya aram tê bi wateya dabînkirina seqamgeriyê û bidirustkirina navçeya tenah, û wê penaber vegerin welatê xwe û herwiha wê alîkariyên mirovî bi awayekî mezitir bigehin wan.
Jêder:Hevbendî+Andadol