Rêxistina Birêtanî “Save the Children” ya xêrxwazî, hişyarî dan li ser encamên bandora şer li ser zarokan li Sûriyê, û di raporta xwe de bal kişandiye li ser “hebûna sê milyon zarokî bi kêmahî yên di navçeyên şeran de dijîn, yên jiyana xwe bi êş û azar di nav gule û dengê topan de yên ji şeş salan ve her ji destpêka şoreşa Sûriyê berdewam e derbas dikin”.
Rêxistinê bi rêka çavpêketinan ligel zêdetir ji 450 zarok û ciwanên nûhatî diyar kir ku zarok rastî fişara derûnî dibin, û herwiha got ku rêjeyek mezin ji wan tûşî giriftên axaftinê bûne û bi şev bêhemdî xwe mîz dikin.
Di raportê de hatiye ku “zarokên Sûriyê bi pileyên bilind rastî fişara derûnî bûne û raportê bal kişandiye ku dema ew mezin bibin wê bibin nifşekî nexweş bi nexweşiyên psîkolojî”, ku şerê Rijêmê û milîtanên mezhebperist ji şeş salan ve li dijî gelê Sûriyê bûye sedema kuştina bi sed hezaran û koçberkirina zêdetir ji 11 milyonan ji xelkê Sûriyê, û ligor raporta rêxistinê bûye sedema peydabûna mezintirîn qeyrana penaberiyê li Cîhanê.
Soniya Koş rêvebera rêxistinê got ku “gelek ji zarokan hewla bidawîkirina jiyana xwe didin, û gelek ziyanan li xwe dikin, û Koş got ku li gundê Medaya yê dorpêçkirî “nêzîkî 6 ciwanên nûhatî di çend heyvên bûrî de hewla xwekuştinê kirine, ku piçûktirîn yek ji wan şeş ciwanan duzede salî bû”.
Rêxistinê di raporta xwe de ya li bin navê “birînên nayên dîtin” hişyarî daye ku ” rojane 84℅ ji zarokan rastî fişarên derûnî dibin, bi sedema bombebarankirina bi bumbe û mûşekan, û raportê gotiye ku hin zarok lal bûne û yan jî rastî giriftên axaftinê bûne”.
Rêxistinê di raporta xwe de tekez kiriye ku “tundutîjiya li nav malê zêde bûye, û her çar zarok ji binyatê pênc zarokan di dema tirsê dibînin yan xemgîn dibin hîç cih û penageh yan derfeta axaftinê bo kesekî din nabînin”.
Rêxistinê gotiye ku sê parên van zarokan yek ji kesukarên xwe ji dest dane, di dema ku xaniyên wan hatine bombebarankirin, û 81℅ ji zarokan bûne şerxwaz, û 71℅ bi şev bi xwe de dimîzin.
Jêder: Ofîsa Ragihandina Hevbendiya Niştimanî / Wekalat
