Girûpa Kar ji bo Filestîniyên Sûryê, bi helkefta Roja Cîhanî ya Penaberan, doh, tekezî kir ku penaberên felestînî yên li sûriyê tûşî helmeteke koçberkirina rêbazkirî bûne, û di heman demê de bal kişand ser giringiya serbestberdana penaberên filestînî ji zindanan, û eşkerekirina çarenivîsa bi sedan girtiyên di girtîgehan de.
Di raporeke xwe de li ser malpera xwe ya fermî, Girûpa Kar gotiye ku wê ji destpêka şoreşa sûrî sala 2011 de, kariye navan û agahiyan li ser 1758 girtiyên filestînî yên di girtîgehên rijîma Esed de tomar bike .
Û raporê bal kişand ser ku tê pêşbînkirin ku hejmara girtiyan û qurbaniyên işkencedanê ji hejmara hatiye ragihandin mezintir e, ji ber derneketina ti serjimêriyan ji hêla rijêmê ve, her weha tirsa mirovên hin girtî û qurbaniyan ji dezgehên ewlekariyê li Sûriyê, lewra rewşa girtiyên xwe eşkere nekirine.
Û Girûpê destnîşan kir ku wê girtina yekser ya hin kesan li ser rêbendên rijêmê di dema şîkirinê û girtina ser malan de ji hêla hêzên rijêmê de li bajar û gundên Sûriyê an jî di dema desteserkirina xelkê bi rengek bêserûber li hin deveran şopandine û tomar kirine.
Û rapora Girûpa Kar her weha got ku piştî desteserkirinê ti kes nema kare çarenivîsa kesê girtî nas bike, û gelek caran aliyên ewlekariyê peywendiyê bi xizmên kesê girtî re dikin ji bo werin laşê girtiyê xwe ji yek ji xestexaneyên leşkerî yan yên giştî yên dewletê wergirin.
Û beşê vekolînan di girûpê de, bal kişand ku bêhtir ji 150 hezar penaberê filestînî ji bingeha 650 hezarê ku berî şoreşa sûrî li Sûriyê dijiyan koçber bûne, û 410 hezar li Sûriyê mane, û bêhtir ji 60% ji filestîniyên li sûryê bi kêmanî carekê derbider bûne.
Tê zanîn ku roja 20 hezîranê ji her salê tê terxankirin ji bo behiskirina derd û kêşeyên penaberan û kesên mal û welatên wan tûşî metirsiyê dibin, û rewşa wan tê naskirin û çawaniya pêşkêşkirina alîkariyan ji bo wan tê behiskirin, di bin sponseriya Karsparteya Bilind ya Karûbarên Penaberan ya bi ser Netewên Yekgirtî ve .
Jêder: Ofêsa Ragehandinê ya Hevbendiya Niştimanî
