Şopînkara Oro Mitewestî ya Mafê Mirovan, roja Înê li ser malpera xwe ya fermî, doz li desthilata Libnanî kir ku biryara rakirina kampa penaberên Sûrî li bajarokê Xeza hilweşîne.
Şopînkarê ragihand ku wan biryara şaredariya Xeza ya rakirina kampa “ Ebdo Kilînton” ya penaberên Sûrî şopandiye, û diyar kir ku li gor destûra Libnanî xala B , Libnan endamekî damezrêner e di rêxistina Netewên Yekbûyî de, û pabend e bi peymanên Ragihandina Cîhanî ya Mafê Mirovan û ew pabendiyê bi hemû xalên wê dike bê cudahî.
Rewangehê balkişand ku pêwîste dewleta Libnanî pabendiyê bi hemi piransîpên Netewên Yekbûyî û Ragihandina Cîhanî ya Mafê Mirova bike, li gor destûra wê, û divê rêzê ji vegereke aram a penaberan re bigre.
Di heman mijarê de Rewangehê bal kişan ku hikûmeta Libnanî berpirs e di ber şer û pevçûnên ku di navbera welatiyên Libnanî û penaberên Sûrî de diqewime , her weha di ber pirpogenda ku li dijî penaberan tê kirin, ya ku jêderên wê kesin fermî ne, li gel hilmetên pirpogenda yên dijî jiyana aram û birûmet a penaberan e.
Şêwirmendê yasayî yê rewangehê Tariq Hecar, hişyarî da derbarê rakirina kampê di dema belavbûna veyrûsa Korona û diyar kir ku ew binpêkirineke derehqê penaberan û bi taybet xalên aramiya tenduristî.
Hecar berdewam kir ku peymanên Navdewletî yên girêdayî Mafê Mirovan û rewşa penaberan li ser hikûmetan feriz dike ku çi biryarên ku dijminayê zêde dike hilweşîne, û bi taybet di vê dema ku Cîhan tev rastî metrsiya belavbûna veyrûsa Korona tê.
Rewangehê di heman babtê de, doz li hikûmeta Libnanî kir ku hemû biryarên ku dijminayê gur dike hilweşîne, û bi taybetî yê ku di derheqê penaberan de hatine Ragihandin, û li internatêvan bigere.
Di heman mijarê de, rêxistina lêbûrîna Navdewletî doz li Hikûmeta Libnanî kir ku ji biryara rakirina kampa penaberên Sûrî “ Ebdo Kilînton” li bajarokê Xeza vegere, û valakirina bi zorê qedexe bike, û bi taybet di vê demê de ku Cîhan rastî belavbûna veyrûsa Korona Covid 19 tê.
Jêder: Ofîsa Ragihandinê ya Hevbendiya Niştimanî ya Sûrtî
