Saziya Tenduristî ya Cîhanî di dawîtirîn raporta xwe de daye zanîn ku wê kuştina 84 kesan û birîndarbûna 659 kesên din li Xûta Şamê ya rojhilat di navbera 14 heta 17’ê vê heyvê de dîkoment kiriye.
Tê zanîn ku Xûta rojhilat bi tundî ji aliyê hêzên Rijêmê û milîsên mezhebperist yên kirêgirtiyên Îranê ve ji çend salan de hatiye dorpêçkirin, û ev nêzîkî sê heftiyan heye bi awayekî diyar rêkeftina kêmkirina oparesyonên leşkerî binpê dibe, û Xûta rojhilat rastî êrîşeke dijwar dibe.
Rêxistinê û bi sedema rewşa xizmetgozariyê ya xirab li Xûta rojhilat, hişyarî daye derbarê belavbûna nexweşiyên zikçûnê û tîfo û zerikê, û bal kişandiye ku alîkariyên mirovî yên pêşkêşkirî di van salên borî de têra xelkê dorpêçkirî û pêdawîstiyên zêde yên zêdetir ji 400 hezar kesê dorpêçkirî nakin.
Rêxistinê diyar kiriye ku 200 niştergerî ji aliyê xalên pizîşkî yên Xûta ve hatine encamdan, tevî kêmbûna dermanan û kelupelên sereke yên saxlemiyê, û tevî nizmiya wize û elterîk û ava xwarinê.
Rêxistinê dît ku ew pilana raguhestina pizîşkî ya hatiye danîn ji aliyê Heyva Sor ya Sûrî ve, ji bo raguhestina nexweşan ji hindur Xûta rojhilat ya dorpêçkirî, nehatiya cîbecîkirin.
Îlzabêt Hof, nûnera Rêxistinê li Sûriyê, tekez kir ku Rêxistin amade ye ji bo bilez dest bi raguhestinê bike, hevdem li dema destûr bête dan bo derbasbûnê û tîmên kar ên Rêxistinê.
Hêjaye gotinê ku hêzên Rijêmê rê nadin bo derbasbûna tîmên rêxistinên navdewletî bo hindurê navçeyên dorpêçkirî, wek binpêkirinê ji biryarên navdewletî re, di dema ku biryara 2254 tekeziyê li ser rakirina dorpêçkirinê û gihandina alîkariyên mirovî bo xelkê pêwîstdar dike.
Herwiha encûmenên xwecihî yên gundewarê Şamê berî niha daxwaz ji civaka navdewletî û NY kiribûn, ku bi erkên xwe yên rewştî û yasayî rabin li hember bidawîanîna tirajîdiya sivîlên li Xûta rojhilat yên ji aliyê hêzên rijêma Bişar Esed dorpêçkirî ne.
Ji aliyê xwe ve, Hevbendiya Niştimanî dîtibû ku ev êrîşên ji aliyê hêzên Rijêmê û hevalbendên wê dibin, tên bi aramanca jinavbirina çareseriya siyasî bi rêka berdewamkirina şer û kuştinê.
Jêder: Ofîsa Ragihandina Hevbendiya Niştimanî / Wekalat
