Îro serokwezîrê Keneda Îstîvin Harber destêwerdana leşkerî ya Rûsiya di Sûriya de şermezar kir û ew bi destêwerdanek metirsîdar pesind kir û got: ku zêdebûna çek û çekdaran bo piştgiriya Esed tê çaverêkirin ku bibe sedemê şerekî xwîndarî di navçeyeke pir aloz de.
Ji aliyê xwe ve balyoza Amerîka di Netewên Yekgirtî de Saminsa Bawer heman gotina Serokê Amerîka Barak Obama li roja înê dubare kir, ku îstratijiya Rusiya peyrew dike li Sûriyê îstraîjiyekt bêhûde.
Bawer dirêjî da axivtina xwe û got: ” bikaranîna zibra leşkerî li dijî sivîlan wek heman kirdeya rêjîma Esed û piştgiriya Rûsî ji heman arasteyê re tê xuyakirin ku wê me bêhtir ji çareseriya Siyasî dûr bike û wê rê bigire li pêş vegera xelkê bo welatê xwe”.
Dîsa Bawer got: “nabe ku Bişar Esed bibe beşekî çareseriyê ji ber ku wê gaz li dijî Gelê Sûriyê bikar aniye û tevî bermîlên teqîner û herwiha ku ew berpirs e ji encamdana mezintirîn oparisyonên eşkencedanê di vê serdemê de”.
Herwiha wezîrê derve yê Amerîka pêwendî i hevkofê xwe yê Rûsî Sêrgî Lavrof re kir û ligor daxuyaniya karbidestekî wezareta derve ku ew pêwendî li pêxema pirsyarkirin li ser zêdebûna piştgiriya leşkeriya Rûsî di Sûriya de.
Ku Amêrîka Mosko tometbar kir bi bihêzkirina pêgeha xweya serbazî di Sûriya de û heman karbidestî piştgiriya Rûsiya ji bona Esed bi “Gerewek ziyanbexş” pesind kir.
Herwiha Ligor ajansa Asoşîtid press û li ser zarê heman karbidestê wezareta derve ya Amerîka ku li mawê dih rojên bûrî de ku ev sêyemîn pêwendiya telefûniye ya Kêrî bi wezîrê derve yê Rûsiya re dike.
Têzanîn ku peyvdarê koçka spî Corc Îrînst ragihand ku piştgiriya zêde ji rêjîma Esed re “seqamgeriyê têk dibe û encamên berovajî bi xwe ve tîne, ev ji ber ku Esed bi awayekî serekî ku dada serkêşiya welat jidest daye”.
Ji aliyek din duhî Cêgirê Serokê Hevbendiya Niştimanî dazanîn ku destêwerdana leşkerî ya Rûsiya ya dawîn dibe palpiştî ji terora rêjîma Esed û ji mêlîşên terorîst re.
Merwa got: ” ku Rûsiya rola bêalî û pênav yan xudanker ji her çareseriyek siyasî re jidest da û êdî ne berbijare bo pêşniyarkirina destpêşxeriyên çareseriyan; piştî ku bû aliyek di şerê rêjîma Esed li dijî gelê Sûriyê de”.
Merwa got: ” ku doza Rûsya ji bo dirustkirina bereyekî li dijî Terorê ew bi xwe dijberiyek di awayê Rûsya de ye, çimkî ew bi xwe piştgiriya terora Esed dike hem bi çekan hem jî bi pisporan û evê dawiyê bi şervanan, niha jî bargeheke leşkerî li Peravên Sûriyê ava dike û hem Firokxanan nuh dike, heman ew Firokxaneyên ku Firokên Rêjîmê ji wan difirin û belmîlên teqîner yên mirinê bi ser zarok û jin û xelkê Sûriyê dibarînin”.
Merwa tekez kir ku “destpêşxeriyên Rûsiya pêşniyar dike ew bi xwe manorên berdewamin yên ji çar salan ve ji bo pêşkêşkirina demekî zêdetir ji hevalbendê xwe Bişar Esed re ji bona kuştina Sûriyan”.
Cêgirê serok got “Em dibînin piştgiriya Rûsya ji Rêjîma Esed re hişt ku Rêkxistinên tirorist bêtir bên û hem roleke mezin di damezirandina wan de kir. Em dibînin egerên koçkberiya mezin ber bi Ewropa ve ew jî ji berdewamiya Rêjîmê ye, ji kuştin û tirsandina miletê Sûrî ye, ji piştgiriya Rûsya ya bêsînor ji çar salan ve ku ji Rêjîma Esed re dike”.
Jêder:Hevbendî
