Serok Barak Obama Serokê Amerîka û Mîr Temîm kurê Hemedê Al Sanî Mîrê dewleta Qeter duhî roja sêşemê di hevdîtinekê de li koçka Sipî, û ji bo aramî li Sûriya vegere, daxwaza dûrkirina rêjîma Esed ji desthilatê dubare kirin, û ji aliyê xwe ve Obama tekez kir ku Esed ” di welatê xwe de rewayî jidest daye”.
Obama digel Mîrê Qeter li koçka Sipî ku li ser telfiziyonê hat belavkirin got: “li ser rewşa Sûriyê, dilê me herduyan nearam e, û emê berdewam bin di piştgiriya opozisyona Sûrî ya miyanrê de”, û dîsa got: “Em hêjî bawerin ku heta Esed yê rewayî jidest dayî bar neke Sûriya bitemamî aram nabe, û me nêrînên xwe parve kirin derbarê çawaniya pêkanîna vê çendê”.
Hêjayî gotinê ye, ku Xalid Xoca Serokê Hevbendiya Niştimanî tekez kiribû ku “Navçe ji gefa terorê rizgar nabe, bê rûxandina rêjîma Esed yê xwedîkerê terorê û bê helweşandina amrazên wî yê tawankarî û kuştinê”, û got: “ku niha bitenê pêwendiya me bi rêjîma Esed re li ser danustandinên damezrandina desteya Fermanrewiya Veguhêz e bi tevaya desthilatan ku têde hîç cihek ji Esed û damûdezgehên wî yê ewlekarî re nîne “. Jêder: Hevbendî + Wekalat
