Erebistana Siûdî di piştgiriya derbideran û kesên koçkirî de berdewam e, di riya kampanyekê re ko Qiralê Siûdiyê Selman Bin Ebdulaziz ji bo hawarhatina miletê Sûrî pêkaniye da derdên wan sivik bike, piştî ko rê li ber wan hatine girtin û bi kotekî ji malên xwe koçber bûne.
Şêwirdar Ebdulah Elrebî’a Çavdêrê giştî yê Navenda qiral Selman ya hawarhatinê û karên mirovî, got ko pereyên hatine komkirin bêtir ji 146 milyon riyal in(39 milyon dolar), û dê wek zembîlên xwarinê ji 540 hezar kes re di berdewamiya 5 mehan de bêtin pêşkêşkirin.
Navenda Selman ya hawarhatinê bi hevrêzî digel aliyên têkildar dê heyberên hawarhatinê ji xwarin û derman û bicihkirinê û pêşwaziya birîndaran û çareserkirina wan pêşkêş bike, û dê kampekê bo wan çêbike û lazimiyên guhdanê lê dabîn bikin, û alîkariyên zivistanî bi tekûzî û bi lez li wan belav bikin.
Di heman mijarê de Yekîtiya Dîmuqratên Tirk li Ewropa (UTED) û Heyva sor ya Tirkî, çalakiyek li bajarê Kolonya yê Elmanî pêkanîne ji bo alîkariya xelkên Helebê bikin, zarokan di çalakiyê de pereyên ko ji xerciya xwe dabûne hev dan serokê Yekîtiyê “Zafer Sarî Qaya” ji bo alîkariya zarokên Helebê bikin yên ko hêzên Esed û milîtanên wî ew koçber kirine.
Sarî Qaya bal kêşand ser ko rêkxistinên mafên zarok û jinan û yên mirovan “bêdeng man” tev ko bobelatên li herêmê çêbûne “tawanên cengê” ne. û bal kişand ser ku bizavên Tirkiyê ji bo rizgarkirin sivîlên Helebê dike, divê ko bibe dersek ji dewletên ko li ser xwe dibêjin em jêdera mafên mirovan û dîmuqratiyê ne.
Tê zanîn ku hejmarek kes ji derbiderên Helebê bi sedema nebaşiya rewşa tendiristî û lawaziya karînan û bêçaretiya aliyên bijîşkî di pêşkêşkirina guhdan û çareseriya tendiristî ji wan re û nekarîna tîmên heyva sor û xaça sor ji bo derbasbûna bajêr, jiyana xwe jidest dane.
Serokê desthilata demkî Cewad Ebû Heteb diyar kir ko birînên hinan dijwar bûn, çimkî bi çekên bêserûber û yên qedexeya navdewletî hatine amanckirin, û hin ji ber rewşa neguhdana bijîşkî û hin ji sermaya dijwar mirin.
Serokê Hevbendiya Niştimanî Sûrî di nameyekê de ji Emîndarê giştî yê Netewên Yekbûyî û ji 25 dewlet û rêkxistinan re şandiye, tê de ji civaka navdewletî daxwaz kir ko pêrabûnên lezgîn bikin ji bo parastina jiyana sivîlan li Helebê.
Jêder: Nivîsgeha Ragihandinê ya Hevbendiya Niştimanî+Acans