Rîks Tîlirson wezîrê derve yê Amerîka tekez kir ku cihê Beşar Esed di hikumraniya gelê Sûriyê de nîne, û got ku Waşinton “wê ligel hevkarên xwe yên li cîhanê kar ji bo piroseyeka siyasî ku dawiyê li Esed bîne bike”.
Ev axaftinên Tîlirson di kongirekî rojnamevanî de hatin, ku derbarê êrîşa hêzên Esed ya bi çekên kêmyayî li ser bajarokê Xan Şîxon li parêzgeha Idlibê li dar xistibû.
Tîlirson Beşar Esed wek kesê berpirsyar di vê bûyera Xan Şîxon de dît, û daxwaz ji Rûsiya kir ku pêwendiyên xwe ligel rijêma Esed dubare berçav bike, û balkişand ku “gelekî giring e ku Rûsiya baş di piştgiriya xwe ya berdewam ya ji bo Esed de bifikire”.
Û ji aliyê baporên deryayî yên Amerîka, yên di derya sipî de 59 mûşekên Tomahok li ser çend armancan li binkeya Elşi’îrat ya nêzîkî Himusê hatin avêtên, ku êrîşên kêmyayî ji wî binkeyî li dijî Xan Şîxon hatibûn encamdan.
Herwiha serokê Amerîka Doland Tiramp tekez kir ku wî fermana pêkanîna derbeyên bi mûşekan li dijî pêgehên Rijêmê yên cihên pêkanîna wê êrîşê da, û tekez kir ku Amerîka çend dewlet bi êrîşa li dijî binkeyên Rijêmê agahdar kiribûn.
Jêder: Ofîsa Ragihandina Hevbendiya Niştimanî / Wekalat